🔹Алтынньы 27 күнүгэр ытыктыыр биир дойдулаахпыт, биллэр-көстөр…

🔹Алтынньы 27 күнүгэр ытыктыыр биир дойдулаахпыт, биллэр-көстөр судаарыстыбаннай уонна уопсастыбаннай диэйэтэл, бастакы бэрэсидьиэммит М.Е. Николаев үлэҕэ-хамнаска биир бастыҥ доҕоро, Саха Өрөспүүбүлүкэтин норуотун хаһаайыстыбатын үтүөлээх үлэһитэ, педагогическай билим хандьыдаата, Мэҥэ Хаҥалас улууһун, Баатара, Нөөрүктээйи, Төҥүлү нэһилиэктэрин, Санкт-Петербург куорат Петровскай уокуругун бочуоттаах олохтооҕо Мучин Матвей Васильевич уһун ыарахан ыарыыттан олохтон туораабытынан кэргэнигэр, оҕолоругар, сиэннэригэр, аймах билэ дьонугар дириҥ кутурҕаммын тиэрдэбин.

🔹Матвей Васильевич олунньу 11 күнүгэр 1941 сыллаахха Баатара нэһилиэгэр төрөөбүтэ. 
Кини олоҕун төрөөбүт дойдутун сайдыытыгар, бар дьонугар анаабыта.
Матвей Васильевич араас эппиэттээх үлэлэргэ бэйэтин сатабылын, дьону түмэр дьоҕурун толору көрдөрбүтэ. Кини ханна да үлэлээтэр, үлэ-хамнас тупсуутугар, дьон олоҕун уйгута үрдүүрүгэр ис сүрэҕиттэн кыһаллара.

🔹Улууска, өрөспүүбүлүкэҕэ каадырдары бэлэмнээһиҥҥэ, ыччаты иитиигэ Матвей Васильевич улахан болҕомтотун уурара. Кини үөрэттэрбит оҕолоро бүгүн дойду араас муннугар ситиһиилээхтик үлэлии-хамсыы сылдьаллар. 

🔹Матвей Васильевич төрөөбүт улууһугар бүттүүнүгэр үтүө аата, оҥорбут үтүөтэ умнуллубат, олорбут олоҕо биһиэхэ барыбытыгар, аныгы кэм ыччат дьонугар, кэлэр көлүөнэҕэ куруук холобур буолуоҕа.

📲@dmitriytikhon0v

📲https://max.ru/id1415008873_gos2