«Кугарня» газет – «Марий Эл» увер агентстве»

🍁19-25 ОКТЯБРЬЛАН КАЛЫК ПАЛЕ

19 октябрьыште мардеж уке гын, йӱкшемдымым вучыман.

20 октябрьыште сай игече шога гын, тудо эше кум арнялан аралалт кодшаш.

21 октябрьыште кече воктене тӱтыран оҥго коеш – кукшо да ояр игечылан.

22 октябрьыште лыстанвӱнчыштӧ име кодын гын, тугеже лумат але лийшаш огыл.

23 октябрьыште огеш кылмыкте гын, телым ныл арня вучыман огыл.

24 октябрьыште тӱтыра вола гын, левыктышаш.

25 октябрьыште кечывал ден йӱд температур коклаште ойыртем кугемеш гын, игече сай шогышаш.

🐻📈 Пытартыш жапыште маскам ятыр илыме верлаште ужаш тӱҥалыныт.

Амалже кочкыш укеште огыл – нуно ятырлан шукемыныт. Российысе Пӱртӱс ресурс да экологий министерствын данныйже почеш, пытартыш 30 ий жапыште кӱрен маска 2,3 пачаш шукемын, сентябрьысе данный почеш 308 тӱжем ава маска ила. Тений эше нуно ятыр игым ыштеныт. Сонарзе-влак шекланеныт: икмыняр ийлан ик гана маска-влакын тыгай чот шуко игым ыштыме пагытышт лиеда.

Олимпиадылан ямдылат🔬

«Волгенче» рӱдерыште йоча-влакын агрогенетике ден биологий дене профильный сменышт лийын.

Тушто самырык шымлызе-влак научный практикым эртеныт да олимпиаде форматыште пашам ыштеныт.

Тунемше-влак тӱрлӧ нелылыкан олимпиадысе задаче-влакым решатленыт, аналитик семын шонен моштымыштым пӱсемденыт, решенийлан стратегийым чоҥаш тунемыныт. Нунылан туныктышо-влак занятийлам олимпиаде семынак эртареныт.

Ты сменыште пашам кок программе почеш виктареныт:

🔸«Секреты Иннагрики: От ДНК до умной фермы» – агрогенетике ден биотехнологийым келгын шымлымаш;

🔸9-ше да 10-шо класслаште тунемше-шамычлан биологий дене учебно-тренировочный сборы по биологии – всероссийский олимпиадыште ончыкылык сеҥыше-влакым ямдылымаш.

У НОМЕР 🍁

23 субъект гыч толыныт 💥

Йошкар-Олаште Туныктымо тӧнеж-влак коклаште сокыр-шамычлан спорт дене Российысе спартакиаде эртаралтеш.

Элнан 23 субъектше гыч 500 наре ӱдыр-рвезе тушко ушнен. Нуно иймаште, футболла, голболла, теннисла, шашке дене модмаште таҥасат. Спартакиаде 17 октябрьыште мучашлалтеш, палдара Марий Эл Республикысе Спорт министерстве.

📸 Марий Эл Республикысе Спорт министерствын архивше гыч налме фото.

Йошкар-Олаште Тӱнямбал Руш Калык Соборын (ВРНС) икымше региональный форумжо эртаралтеш.

Форумын Калык-влак келшымаш пӧртыштӧ лийше пленарный заседанийышкыже Марий Элым Вуйлатыше Ю.Зайцев ушнен. Мероприятий «Традиционные ценности – основа развития России» темылан пӧлеклалтын.

Тылеч ончыч регионым Вуйлатыше ВРНС-ын вуйлатышыжын алмаштышыже, «Россия Православная» Российысе мер толкынын председательже Михаил Иванов да ВРНС секретариатын вуйлатышыже иерей Василий Лосев дене вашлийын. Тушто черке, кучем да калык кокласе кыл нерген мутланеныт.

Форум годым тыгак Российын историйже да чон поянлык теме-влаклан пӧлеклалтше йыргешке ӱстел-влак эртаралтыныт, лекцийым лудыныт, кином ончыктеныт. Мероприятий 16 октябрьыште мучашлалтеш.

🏫 Йошкар-Оласе 9А микрорайонышто школым чоҥымо паша умбакыже шуйна. Тудо Васильев ден Ян Крастынь урем-шамычын корнывожыштышт верланен.

Пашазе-влак 99 процентлан тӱҥ нумалше конструкций ден скатный леведышым нӧлтен шуктеныт. Тыгак ончыкылык общеобразовательный школын кӧргӧ пырдыжшым 50 утла процентлан штукатуритленыт.

Воктенысе кумдыкышто куржталме корным нӧлтен пытареныт. Школ воктенысе Амфитеатр 75 утла %-лан ямде.

Паша «Молодежь и дети» нацпроектлан кӧра шукталтеш, палемденыт Йошкар-Олан администрацийыштыже.

🛠 Марий Эл гыч специалист-влак БПЛА атаке деч вара Розовкышто илыше-влаклан полшеныт

Запорожский область Куйбышевский округысо Розовка посёлкышто тушман дрон деч пудешталтше толкын дене илыме пӧртыштӧ 10 окна шаланен.

Республикна гыч шеф-шамыч илыше-влаклан полшеныт. Аварийный бригаде ОСБ лист-шамычым писын намиен шуктен да, пачерлаште шокшым арален кодаш манын, шаланыше окна-шамычым петырен. Тыгак подъездыште у окнам шынденыт.

♻️ Тиде шуматкечын, 17 октябрьыште, 11 шагатлан Йошкар-Оласе Тархановский паркыште «Вода России» шыже экосубботник эрта. Тушто Шоя эҥер серым эрыкташ тӱҥалыт.

Марий Элысе Пӱртӱс поянлык, экологий да йырым-йырысе средам аралыме министерстве чыла кумылан еҥым тиде пайдале мероприятийышке ушнаш ӱжеш. Тиде кечын тыгак паркын лӱмгечыже палемдалтеш.

Завойскинмыт еш «Идалыкын ешыже» всероссийский конкурсышто «Йӱлам аралыше еш» номинацийыште эн сай лийын. Сеҥыше-влакым суапландарыме торжественный церемоний Кремльыште лийын.

Тений сеҥымаш верч пӱтынь Россий гыч 11,8 тӱжем утла еш таҥасен, да мемнан землякна-влак финалыште Марий Элым чаплын ончыктеныт. Конкурс «Еш» нацпроект почеш эртаралтын.

Саламлена 👏