«Кугарня» газет – «Марий Эл» увер агентстве»

👫✨ Таче Йошкар-Оласе национальный сымыктыш гимназийыште «Изи шӱдыр» регион-влак кокласе конкурс эрта.

У НОМЕР🍂

📲МАКС национальный мессенджерыште «Марий Эл Республикын цифровой сервисше-влак» чат бот пашам ышта

Тудын полшымыж дене республикысе кучем орган-влакын каналышкышт куснаш лиеш, тушто официальный информаций савыкталтеш. Мутлан, бот Марий Элым Вуйлатыше Юрий Зайцевын, регионысо Правительствын, республикысе РСЧС-ын, МФЦ-ын да молынат каналышкышт писын куснаш йӧным ышта.

Тыштак министерстве ден ведомство-влакын регионысо чат-ботыштым погымо. Нунын коклаште:

🔹«Онар» – регионышто военнослужащий-влаклан социальный полышым пуымо мере-шамыч нерген палдарыме сервис;
🔹«Мое здоровье» – медицине услугын чат-ботшо, тушто врач деке возалташ, телемедицине консультацийым налаш, больничный листым петыраш лиеш;
🔹Марий Элын тӱвыра, печать да калык-влакын пашашт шотышто министерствын чат-ботшо, тушто кумдан палыме йодыш-влаклан вашмутым погымо, тидын шотыштак «Земский работник культуры» программе нерген;
🔹Марий Элысе Калыкым социально аралыме министерствын чат-ботшо;
Оласе образований учреждений-влакын чат-ботышт;
🔹🔹🔹Да молат.

👥Регионысо сервис ден канал-шамычым ушымо республикын Единый чат-ботшо калыклан кӱлеш информацийым писынрак налаш йӧным ышта.

🌐Чат-ботын ссылкыже: https://max.ru/respublika_mariy_el_bot

🏅Лингвист Андрей Чемышев «За заслуги перед Марий Эл» орденын медальже дене суапландаралтын

✍️Келшен толшо указым Марий Элым Вуйлатыше Юрий Зайцев подписатлен.

В.М.Васильев лӱмеш МарНИИЯЛИ-н «Лингвистика» направленийжын шанче пашаеҥже Андрей Валерьевич Чемышев наукым вияҥдымашке надырым пыштымыжлан да пашаште сеҥымашке шумыжлан «За заслуги перед Марий Эл» орденын медальже дене палемдалтын.

Саламлена!👏

АНОНС🔖
23 октябрьысе номерыштына ЛУДСА⬇️

Йошкар-Олаште шочын-кушшо Лиза Андреева 2025 ий гыч, ик ият пеле наре, самолётышто кокымшо пилотлан пашам ышта. 24 ияш ӱдыр ик авиакомпанийыште тырша да Embraer 170 самолёт дене утларакшым тора Сибирь мучко чоҥештылеш.

Лиза кызыт – паша верыштыже. Тудын дене интернет йӧн дене кутырышна. Ӱдыр шкеже да пашаж нерген кумылын каласкалыш.

– Мый Йошкар-Олаште шочын-кушкынам. Тӱҥалтыш класслам Семёновкысо школышто тунемынам, вара Йошкар-Олаште 9-ше да 21-ше №-ан школлаште шинчымашым погенам. Кугезе кугезе кочам жапше годым авиаций маршал лийын (тидын нерген ковам каласкален), садлан, очыни, мыйын чон ты сомыл деке шупшын...

📰Умбакыже – И.Степанован интервьюштыжо.
📸Л.Андрееван альбомжо гыч фото-влак.

🚉22 да 27 октябрьыште Озаҥ – Йошкар-Ола – Озаҥ ола воктенысе поездын коштмо расписанийже вашталтеш.

🔹22 октябрьыште Озаҥ – Йошкар-Оласе 6383-шо №-ан поезд Татарстанын рӱдолаж гыч 19:39 шагатлан лектеш да Марий Элын рӱдолашкыже 22:42 шагатлан толын шуэш.

🔹27 октябрьыште тиде поездак Озаҥ гыч 17 шагатлан лектеш да Йошкар-Олашке 20:27 шагатлан толын шуэш.

🔹Тыгак 22 да 27 октябрьыште ты поезд Йошкар-Ола гыч 17:48 шагатлан лектеш. Озаҥыш 21 шагатлан миен шуаш палемдыме.

БИРСКЫШТЕ – марий концерт 🎼

21 октябрьыште Пӱрӧ оласе тӱвыра полатыште «ЭРВЕЛ» радиостанцийын (марла 2023 ий гыч кутыра) икымше концертше эртен. Тудын организаторжо - мурызо Арсений Андреев.

«Эн сай муро-влак» («Самые лучшие песни») пайремыш Пошкырт, Марий Эл да Татарстан кундемла гыч мурызо да коллектив-влак погыненыт.

Касым мыскараче Сергей Карпов (Йошкар‑Ола) ден мурызо да мурым возышо, Мишкан районысо историй да тӱвыра рӱдерын пашаеҥже Алексей Ибулаев (Васли Ольош) вӱденыт.

«МуроЭм» ансамбль, «Эрвел» радион диджейже Светлана Ибатова, гармонист-влак Саша Иванов, Никита Козлов да Сергей Пакеев, мультиинструменталист Раиль Гизатуллин, мурызо-влак Руслан Янситов, Светлана Каншаева, Ксения Черемушкина, Лиана Миннулина, Геннадий Тимиряев, , Артур Ижбулдин, Раисия Кубатуллина, Инна Тимиряева, Наталья Богданова да молат калыкым куандареныт.

📸Фотоувер: Мишкан районысо историй да тӱвыра рӱдер.

✨У ийлан Йошкар-Олам ныл тӱрлӧ стиль дене сӧрастарынешт

Эртыше кечылаште олан мэржын сомылжым жаплан шуктышо Антон Трудинов верысе организаций-влак дене мутланен.

Сылнештарыме 4 концепцийым ойыреныт:

❄️Теле историй;
🌇Йошкар ола.
🎨У ий арт.
🎄Чодырасе йомак.

Оформитлыме правил да идей-шамыч дене кумданрак ссылке почеш палыме лияш лиеш: https://i-ola.ru/city/generalinf/kontseptsiya-novogodnego-oformleniya-2026.php

🐻«Кугу Какшан» заповедникыште – рекорд!

Заповедникын фотоловушкыжо-шамыч кушкын шушо ныл маскаиге дене маскам войзеныт.

📈 Молгунам маскан 1-2 игыже уло, шуэнрак – кумытын. Ныл пеҥгыде маскаиге – моткоч шуэн вашлиялтше случай. Тиде тыгак заповедникыште янлык-шамычлан сай условий улмым ончыкта.

Кызыт еш телылан ямдылалтеш да вашке шошо марте вынемыш кая.

🇷🇺🤝 4 ноябрьыште 13:30-лан Йошкар-Оласе Чарла Кремльыште Калык-влакын икоян улмо кечыштлан да Марий Элын 106 ияш лӱмгечыжлан пӧлеклалтше «СИЛА РОССИИ В ЕДИНСТВЕ НАРОДА» концерт эрта.