Хисамиев Рустем Шагитович

Габдулла Тукай исемендәге Әтнә авыл хуҗалыгы техникумына 60 ел

Бүген Габдулла Тукай исемендәге Әтнә авыл хуҗалыгы техникумының 60 еллык юбилеена багышланган тантаналы кичә узды. Бу зур вакыйгада Татарстан Республикасының мәгариф һәм фән министры Ильсур Гәрәй уоы Хадиуллин, республикабызның рәсми вәкилләре, шулай ук башка бик күп абруйлы кунаклар катнашты.

Техникум үз тарихын 1966 елда, ТАССР Министрлар Шурасы карары белән зоотехниклар әзерләүче уку йорты буларак башлап җибәргән . Бүгенге көндә ул республика авыл хуҗалыгы өчен югары квалификацияле белгечләр әзерләүче мөһим ресурс үзәгенә әверелде. Техникумда ветеринария, авыл хуҗалыгын механикалаштыру, бухгалтер исәбе һәм пешекче-кондитер кебек кирәкле һөнәрләр буенча белем бирелә .

Юбилей кичәсендә кунаклар уку йортының матди-техник базасы белән таныштылар, укыту процессында ирешелгән уңышларны югары бәяләделәр. Тантана барышында техникумның күпьеллык тарихында зур өлеш керткән ветеран-укытучыларга һәм хезмәткәрләргә рәхмәт сүзләре әйтелде, ә иң яхшы студентлар һәм педагоглар ведомство бүләкләре һәм Рәхмәт хатлары белән билгеләп үтелделәр.

Район башлыгы буларак, мин чын күңелдән техникум коллективын бу истәлекле юбилей белән котлыйм. Сезнең хезмәтегез — туган ягыбызның авыл хуҗалыгы үсешенә керткән зур өлеш. Алдагы көннәрдә дә уку йортыбызның ныклы традицияләрен дәвам итеп, яңа буыннар тәрбияләвен телим.

«Туган ягым» паркына Госман Җиһаншин исеме бирелде

Бүген Олы Әтнә авылында урнашкан «Туган ягым» мәдәният һәм ял паркына якташыбыз, күренекле дәүләт эшлеклесе Госман Шаһи улы Җиһаншин исемен бирү тантанасы узды. Бу чарага аның якын туганнары да кайтты .

Госман Җиһаншин 1926 елның 26 сентябрендә Олы Әтнә авылында дөньяга килгән. Бөек Ватан сугышында катнашкан, Белоруссияне, Литваны азат итүдә һәм Көнчыгыш Пруссия өчен барган сугышларда батырлык күрсәткән. Сугыштан соң туган районыбызда колхоз рәисе булып эшләгән, аннары Арча һәм Сарман районнарында җитәкче вазифалар башкарган. 1971–1983 елларда Татарстан АССРның авыл хуҗалыгы министры булып хезмәт иткән .

Паркка аның исемен бирү — безнең өчен зур горурлык. Бу адым якташыбызның туган районыбызга, авыл хуҗалыгына керткән өлешен мәңгеләштерү генә түгел, ә яшь буынны тәрбияләүдә дә мөһим чара.

Район башлыгы буларак, мин мондый башлангычларны хуплавымны белдерәм һәм киләчәктә дә туган ягыбыз тарихын, күренекле шәхесләребезне саклап калу, мәдәни мирасыбызны баету юнәлешендә эшләячәкбез.

Тантанада катнашкан барлык райондашларга, оештыручыларга һәм Госман Җиһаншинның гаиләсенә чын күңелдән рәхмәт белдерәм.

Татарстан Республикасының Электрон мактау тактасына лаеклы исемнәре кертелгән райондашларыбыз белән танышуны дәвам итәбез. Бүген безнең горурлыгыбыз – авыл хуҗалыгы предприятиеләренең төп финансларын һәм икътисадын алып баручы, үз эшенең чын остасы булган хезмәттәшләр!

🌟 Газизова Инсира Гафурән кызы – "Фәйзи Галиев" исемендәге күмәк хуҗалыгының баш икътисадчысы.
Югары белемле белгеч үз хезмәт юлын 1983 елда бухгалтер булып башлый һәм 2012 елдан бирле җаваплы вазифада – баш икътисадчы булып эшли. Аның һөнәри осталыгы 2016 елда ук Татарстан Республикасы Авыл хуҗалыгы һәм азык-төлек министрлыгының «Иң яхшы АПК белгече» Республика конкурсында «Иң яхшы икътисадчы» номинациясендәге җиңүе белән дә расланган.
Соңгы елларда да Инсира Гафурән кызының хезмәте югары бәяләнә: ул Татарстан Республикасы Авыл хуҗалыгы һәм азык-төлек министрлыгының Мактау грамотасы (2023 ел) һәм Рәхмәте (2024 ел), ә быел, 2026 елда, муниципаль район башлыгының Рәхмәт хаты белән бүләкләнде.

🌟 Хайруллина Зөлфия Рубис кызы – райондагы тагын бер алдынгы предприятие – «Күшар» күмәк хуҗалыгың баш хисапчысы.
Зөлфия Рубис кызы үзенең турыдан-туры вазифа бурычларына бик җаваплы карый. Ул зур күләмдәге эшне үз өстенә алып, аны һәрвакыт төгәл һәм сыйфатлы башкара.

Хөрмәтле Инсира Гафурән кызы һәм Зөлфия Рубис кызы! Сезне Татарстан Республикасының Электрон мактау тактасына керүегез белән чын күңелдән котлыйм! Сезнең кебек тәҗрибәле, үз эшенә бирелгән һөнәрмәннәребез булу – районның зур байлыгы. Сезгә ныклы сәламәтлек, гаилә бәхете, тынычлык һәм киләчәктә дә зур уңышлар телим!

«Туган ягым» мәдәният һәм ял паркына Госман Җиһаншин исемен бирү тантанасы

Хәерле иртә!

Бүген Kazan Digital Week 2026 халыкара форумында катнаштым.

Форум 29-31 октябрь көннәрендә «Казан Экспо»да уза, бу юлы 76 илдән 20 меңнән артык катнашучыны җыйды . Төп тема — ясалма интеллектны гамәли кертү .

Әтнә районы өчен бу — авыл хуҗалыгын цифрлаштыру, идарә итүнең яңа коралларын өйрәнү мөмкинлеге. Районның цифрлы үсешен алга таба да дәвам итәчәкбез.

Хәерле иртә!

Отличная возможность представить наш район на всю страну: открыт прием заявок на IV Всероссийскую муниципальную премию «Служение»

Эта премия — главная награда для тех, кто каждый день решает задачи нашего района и всей России, делая жизнь земляков лучше. Она проводится по поручению Президента России Владимира Путина

Подать заявку на премию могут главы муниципальных образований, депутаты, муниципальные служащие, старосты и председатели ТОСов.

Главное условие — ваш проект должен быть реальным, работающим и приносить пользу людям. Заявки принимаются до 29 ноября 2026 года через личный кабинет на портале https://премияслужение.рф/

🏆 Уверен, что среди наших специалистов есть те, чей труд и преданность делу заслуживают высокой оценки. Давайте покажем всей стране, как работает наша малая родина!

Хәерле иртә