«Ағиҙел» журналы | журнал «Агидель»

Бөгөн Башҡортостан Яҙыусылар союзы идараһы рәйесе, билдәле яҙыусы Айгиз Баймөхәмәтов тыуған көнөн билдәләй.

Айгиз Ғиззәт улын ғүмер байрамы менән тәбрикләп, ныҡлы сәләмәтлек, ғаилә именлеге, ижади ҡомар, яңынан-яңы ҡаҙаныштар, бәрәкәтле тормош теләйбеҙ! Халҡыбыҙ мәнфәғәтендә башҡарған эштәрегеҙ һәр саҡ һөҙөмтәле булһын, илһам шишмәләрегеҙ бер ҡасан да ҡоромаһын!

Ҡайғылы хәбәр...

Билдәле журналист һәм яҙыусы Марс Әхмәтшин вафат.

https://agideljurn.ru/news/novosti/2026-10-26/ay-yly-h-b-r-4855570

Бөгөн яҙыусы, Башҡортостан Республикаһының атҡаҙанған уҡытыусыһы Зөлфирә Ҡаҙаҡбаеваның тыуған көнө

Ҡәләмдәшебеҙҙе күркәм ғүмер байрамы менән ихлас ҡотлайбыҙ! Оҙон тыныс ғүмер, шатлыҡ, бәхет һәм ижади уңыштар теләйбеҙ.
_____________________________
Зөлфирә Йәғәфәр ҡыҙы ҠАҘАҠБАЕВА 1966 йылдың 24 октябрендә районыбыҙҙың гүзәл төбәктәренең береһе һаналған Бөрйәнйылға ауылында тыуған. Аҡыллы, ғилемле ҡыҙ Баймаҡ интернат-мәктәбендә белем ала.
Артабан ул Башҡорт дәүләт университетының филология факультетын тамамлай. Хеҙмәт юлын балалар баҡсаһында тәрбиәсе булып башлап, унан Шишмә һәм Йылайыр райондарында уҡытыусы, «Ауыл уттары» Йылайыр район гәзитендә хаттар бүлеге мөдире, гәзиттең мөхәррире вазифаһына тиклем күтәрелә.
Йөрәк йылыһын биш балаһына тигеҙ бүлеп, “Әсәлек даны” миҙалы яулаған автор республикала ижадсы булараҡ киң танылыу яуланы - хикәйәләре һәм повестары 1996 йылдан алып матбуғатта даими донъя күрә. Зөлфирә Ҡаҙаҡбаева әлеге ваҡытта Йылайыр районы Яманһаҙ ауылында йәшәй, хаҡлы ялда. “Әсәлек даны” кавалеры.
Яҙыусының “Сиселмәгән сер”, “Хыялға илтер һуҡмаҡ”, “Мәрхәмәтле булһын яҙмыш”, “Икебеҙ өсөн дә яраттым”, “Геройҙар ваҡыты”, "Бәхет өсөн ергә килгәнмен" исемле китаптары донъя күрҙе. “Бәйләнештә” селтәрендә “Зөлфирә Ҡаҙаҡбаева ижады” исемле төркөм алып бара.

Айгуль Камалиева, наш талантливый учёный, инженер одежды, фольклорист, подарила мне свой труд «О чём звенят подвески. Декор башкирского костюма». Замечательная книга, прямо душа радуется – сделал в ней несколько закладок)

Я каждый раз удивляюсь, насколько продуманной, глубокой с технологической и эстетической точки зрения была культура костюма у башкир. Наши предки умели работать с разными материалами, делали удивительные украшения.

Наша задача – возрождать, сохранять и развивать это ремесло. И обязательно поддерживать прикладное искусство во всех его проявлениях. Это важная часть истории и культуры нашего народа. И конечно, экономики – того, что мы называем креативными индустриями.

Всем удачи и хороших выходных!

27 октябргә тиклем «Ағиҙел»гә арзан хаҡҡа яҙылырға мөмкин!

Әйткәндәй, 6-27 октябрь "Ағиҙел" журналына 2027 йылдың беренсе яртыһына арзан хаҡҡа яҙылырға мөмкин. Әле декада мәлендә «Ағиҙелгә» 150 һумға осһоҙораҡҡа яҙылып ҡалырға мөмкин.
Ике ысул менән яҙылырға була:
• Рәсәй Почтаһының бүлексәһендә;
• Рәсәй почтаһы сайтында - онлайн. Бының өсөн «Подписка» бүлегендә гәзит йәки журналды һайларға кәрәк. Шулай уҡ баҫма һәм электрон версияны ла. Һәр ваҡыттағыса, яҙылыусылар араһында файҙалы һәм ҡиммәтле бүләктәр уйнатабыҙ.

Мөмкинлекте ҡулдан ысҡырмағыҙ!

Халыҡ шағиры Хоҙай хаҡында

Сикһеҙ ихласлыҡ, йылылыҡ бөркөлә был видеояҙманан. Мостай аҡылы, һәр һүҙе һиммәтле, ҡиммәтле.
Мостай Кәримдең вафатына өс йыл алда төшөрөлгән «Яҙмышымдан уңдым» фильмынан өҙөк. Сценарий авторы — Лина Мамина, операторҙар — Наталья Галкина, Ильдус Ғәлиуллин.

Оло талант эйәһе менән тағы бер хәтәр осрашыу мәңге хәтерҙә ҡаласаҡ. Республика халҡы, ил уның 80 йәшлек юбилейын билдәләргә йыйына ине. Беҙ, дүрт егет, ошо оло ваҡиға алдынан иң абруйлы замандашыбыҙ менән осрашып һөйләшергә тәүәккәлләнек. Ни тиһәң дә, кеше ғүмере сикле, ундай мөмкинлек тағы эләгәме-юҡмы, тигәндәй. Салауат, ғәҙәтенсә, Мостай ағайҙың хәлен белеү өсөн фатирына шылтыратты. Ниәтебеҙҙе белдерҙе. Шул саҡ ул беҙҙе, йәш яҙыусыларҙы, бына ҡайҙан килеп төштө көтмәгәндән оло бәхет-бәрәкәт, үҙенә ҡунаҡҡа саҡырҙы. Беҙ, Салауат Әбүзәр, Рәлис Ураҙғолов, Булат Тимерғәлиев һәм мин, шағир йортона киттек. Алға китеп шуны әйтәйем: һүҙ тормош, әҙәбиәт тураһында барҙы. Һуңынан мин дә, Рәлис Ураҙғолов та был осрашыу тураһында матбуғатта тулыһынса яҙып сыҡтыҡ. Бөгөн минең иҫте китергән бер нисә һорау-яуапты, деталде генә иҫкә төшөргөм килә.
Мостай ағай өйҙә яңғыҙы, тормош иптәше-йәндәше Рауза апай дауаханала ине. “Арыу-арыу егеттәрҙең юлын Хоҙай миңә борған даһа. Күптән көтә инем”, – тип йылмайып ҡаршыланы шағир.

Дауамы сайтта: https://agideljurn.ru/news/novosti/2025-10-20/ber-avtograf-tarihy-4434218

20 октябрь - халыҡ шағиры Мостай Кәримдең тыуған көнө

Тыуған йылым ун туғыҙҙан уңдым,
Октябрҙән – тыуған айымдан,–
Ана нисек минең юлдарыма
Һары йондоҙ һибә ҡайындар.
Тупрағымдан уңдым. Башҡортостан!
Һин иманым минең, ҡәҙерлем,
Күк сымылдыҡ ҡорған сәңгелдәгем,
Һиндә булһын йылы ҡәберем.
Кешеләрҙән уңдым. Улар мине
Өйрәтте, тик юҡҡа ҡаҡманы.
Дуҫтарымдан уңдым. Улар керҙе
Ҡаҙып тормай ғына ҡапҡаны.
Яуҙарымдан уңдым. Еңеү килде,
Килде һәләкәттәр сигендә.
Яраларҙан уңдым. Көн элгәре
Алып китмәнеләр «тегендә».
Бара торғас исемемдән уңдым:
Кеше алдында кәм-хур итмәне.
Һәм холҡомдан уңдым: илертмәне
Маҡтауҙарҙың татлы икмәге.
Күп нәмәнән уңдым.
Рәхмәт һеҙгә,
Хәйерле төн һеҙгә, үткәндәр!
Эйе, уңдым. Күп нәмәнән уңдым.
Минән уңды микән бүтәндәр?
Ю. Кәримов фотоһы

АТАЙҘАР КӨНӨ МЕНӘН!
Атай һүҙе
Һөйөү менән һуғарылған
Бойороҡ ул юғарынан –
Атай һүҙе.
Бәйләп ҡуйып ҡаҙаҡтарға,
Аралаусы яҙыҡтарҙан,
Атай һүҙе.
Ярамай, тип ҡырт киҫһә лә,
Ҡурсыуҙарын тоя күңел.
Яратам, тип иркәләһәң,
Атай, миңә шундай еңел.
Бер әйтеүҙән ҡайһы берҙә
Күтәреүсе өҫкә, үргә.
Атай һүҙе.
Бер атыуҙан ҡайһы берҙә,
Төшөрөүсе күктән ергә,
Атай һүҙе.
Өтөп ала, ҡурып ала,
Иңдәремә бурыс һала,
Атай һүҙе.
Уттан алып һыуға һала,
Аҙашыуҙан алып ҡала,
Атай һүҙе.
Ҡанатымды нығытырҙай
Көс ул көсһөҙ сағымдағы,
Атай һүҙе.
Рәхмәт әйтеп баш эйҙерә,
Хөрмәт тигән әҙәп, тағы
Атай үҙе.
(Гөлнара Хәлфетдинова)

Арабыҙҙан билдәле яҙыусы Йәдкәр Бәширов китеп барҙы

Арҙаҡлы шәхесте иртәгә 12 сәғәттә Көйөргәҙе районының Мораптал ауылында һуңғы юлға оҙаталар. 
https://vk.cc/d30Tnw