Авыралдыг авам, ачам.

Ажы-төлүн доруктуруп өстүргеш, Ажыл-иштен хүндүткелдиг дыштангаш,
Ажык-дүжүүн, алдын сөзүн үлежир,
Авам, ачам авыралы эргим-дир.
Уйгузураан бала чашты чайгажыр,
Уйнуктарын эргеледип ойнадыр.
Улдуңнарын кургаткылап аскылаар,
Уу-чак! - деп-ле, чассыткылап оргулаар.
Оглу, кызы улус-чонга мактатса,
Омаа кирип, өөрүшкүзүн чажырбас.
Байыр тудуп, хаваавысты ошкап каар,
Байгы бисче ажаанзырап тургулаар.
Хүрегеннер, келин-кенээт келгенде,
Хүндүткелдиг, хүлүмзүрүп уткуп аар.
Оларны-даа, бистерни-даа ылгавайн,
Оолдарым деп, кыстарым деп оргулаар.
Авам шайы, ачам сөзү кезээде,
Алыс бисти чылыктырып чоргулаар.
Амыдырал бергелери тургулаар,
Авыралыг ада-ием дузалаар.

Ооржак. А