ВЕЙПЫМ УЖАЛЫМЫМ ЧАРАШ

Кугыжаныш Думын Председательже Вячеслав Володин 2027 ий шошым регионлаште вейпым ужалымым чарыме шотышто парламент колыштмашым эртараш темлен. «Икшыве-влакын тазалыкыштым аралыме тема моткоч кӱлешан, садлан вейпым ужалымым чарыме тема законодатель-влакын пашаштышт приоритетный лийшаш. Кызытат регион-влак тидым ыштен кертыт. Шошым парламент колыштмаш годым мыняр регион шке праважым кучылтмым пален налына», - каласен тудо. 

Энна АПТУЛМАНОВА.