ТЕЛЫЛАН ЯМДЫЛАЛТМАН

Башкортостанын Чрезвычайный ситуаций шотышто кугыжаныш комитетше, пожар лӱдыкшӧ ынже лий манын, сад-пакча-влакым телылан ямдылен кодаш темла. Йӱштӧ игече тӱҥалмеш, кукшо лышташым да куштырам погыман, вӱд йогымо верлам да дренажым лышташ деч эрыктыман, йӱлен кертше шӱкшакым пӧрт да монча деч ӧрдыжкырак кораҥдыман. Пакчаште куштырам 0,3 метр келгыт лакыште але калай атеш, пӧрт деч 15 метр ӧрдыжтӧ тымык игече шогымо годым гына йӱлаташ лиеш. Тулым эскерыман, кодшо шӱч ден ломыжыш вӱдым опталман але рок дене петырыман. Ты йодмым шуктыдымо-влаклан 5-15 тӱжем теҥге штрафым тӱлыктен кертыт.

Энна АПТУЛМАНОВА.