💥Чоннарны каттыштырар шуулган

📢Февраль 24-те “Тыва” КТРК-ның парлалга төвүнге Делегей чергелиг IV буддийжи шуулганның программазы, шуулгандан кандыг ажыктыг чүүлдерни манап болурунуң дугайында парлалга конференциязы болуп эрткен. Аңаа ТР-ниң Чазак Даргазының оралакчызы Орлан Сарыглар, Тываның Национал музейиниң директору, эртемден Каадыр-оол Бичелдей, ТР-ниң Чазак Даргазының шажын талазы-биле чөвүлекчизи Игорь башкы, ТывКУ-нуң ректору Ольга Хомушку журналистерге тода тайылбырны берген.

Баштайгы сөстү ТР-ниң Чазак Даргазының оралакчызы Орлан Сарыглар алгаш, февраль 12-де Москвага болган Хайгаарал чөвүлелиниң хуралынга ТР-ниң Чазак Даргазы Владислав Ховалыг киришкеш, чайын Тывага болур Делегей чергелиг IV буддийжи шуулганның ниити программазы-биле таныштырганын журналистерге дыңнаткан:

— Болган хуралга республика ниитизи-биле шуулганны эрттиреринге беленин, чижээ, ажыл-агыйжы кезээниң программазы тургустунганын Чазак Даргазы Владислав Ховалыг илеткээн. Шуулганның ажыл-агыйжы кезээ ийи хүн үргүлчүлелдиг болур: бирги хүнде байырлыг ажыдыышкын соонда пленарлыг хурал болур. Улаштыр “Буддизм болгаш экология”, “Буддизм болгаш медерел”, “Национал культура болгаш туризмни сайзырадырының драйверлери болган буддийжи үнелелдер”, “Буддизм болгаш кадыкшыл” – 4 аңгы темага дискусия шөлчүгештери ажылын чорудар. Ийиги хүнде 7 аңгы секцияга буддизмге хамаарышкан хөй угланыышкынныг айтырыгларны сайгарып чугаалажыр.https://vk.com/wall-201111625_60305