💸 Бийлик Самара облусундагы чет элдиктердин кирешелерине көзөмөлдү күчөттү.

Социалдык фонд алардын жумуш тарыхы тууралуу маалыматты Ички иштер министрлигине мамлекеттик электрондук системалар аркылуу бере баштады. Бул алмашуу расмий эмес иштегендерди же чыныгы кирешелерин жашыргандарды тезирээк аныктоого жардам берет. Бийлик миграция тармагын тартипке келтирип, бюджетке көбүрөөк салык чогултууну көздөйт.

Жаңы жол-жобо этап-этабы менен киргизилүүдө. Ушул жылдын июль айында чет элдиктердин өлкөдө болуу эрежелерин өзгөрткөн мыйзамга кол коюлган. Ал эми 1-октябрдан тартып Салык кызматы Ички иштер министрлигине үч, алты, тогуз жана он эки айлык киреше маалыматтарын бере баштады.