«Јиит јӱректиҥ јуунтызы» ❤

Кычыраачыбыс бичийт:
– Бу бичимелимди јайалталу јерлежим Алтайчы ДИЛЕКОВТЫҤ канча јыл кайра чыккан «Јиит јӱректиҥ јуунтызы» деп ӱлгерлик јуунтызына учурлай бичийдим.
Алтайчы Зарканович 1969 јылда Кӧкӧрӱ јуртта койчы-малчы Заркан (Челтеш) Степановичтиҥ ле Мундурку Садакпаевнаныҥ билезинде чыккан. Олор сӱреен јалакай, кӱндӱзек, ойынчы улус болгон. Је он балазына јӱрӱм сыйлаган ада-эне оору-јоболдоҥ улам јӱрӱмнеҥ эрте јӱре бергендер.
Айла, кайкамчык – олордыҥ ончо балдары ары јанынаҥ јайалталу болуп јайалган – гитара ойноор, кожоҥдоор, нени ле тутса-этсе, сӱреен эптӱ эдер. Дилектовтордыҥ јаан уулы Борис — јайалталу ветврач, кызы Торко ӱлгерлер чӱмдеер.
Он баланыҥ ортозында Алтайчыда база канча кире јайалта јуулган. Ол 30 јылдаҥ ажыра стажту хирург, онколог. Россия ичинде эҥ артык 100 онкологтыҥ тоозына кирет. Алтайчы онойдо ок ӱлгерлер, кожоҥдор чӱмдейт. (...)

Мария Ерленбаева ✍

Элбеде газеттиҥ калганчы номеринеҥ кычырыгар.