Јакшы кӱӱндӱ јандыс 🙏

Јаан јаштулардыҥ айлыгы улалып јат. Россияныҥ Россу-кадыкшиҥжӱзиниҥ бистиҥ тергеедеги бӧлӱги 2006 јылда тӧзӧлгӧн. Быјыл кичӱ изӱ айда ол 20 јылдыгын темдектеген. Оны баштапкы ла кӱннеҥ ала Россияныҥ су-кадыгыныҥ отличниги, Алтай Республиканыҥ нерелӱ врачы, медицина билимдердиҥ кандидады Ирина НОНУКОВА једимдӱ башкарат. Бӱгӱнги кӱнде мында нак ӧмӧлик иштейт.
Ӱлӱрген айдыҥ 14-чи кӱнинде ӧмӧликте јаан јаштулардыҥ айлыгына учурлай ветерандарла туштажу ӧткӧн лӧ олорго сыйлар табыштырылган. Туштажуда ветерандар озогызын ойгортып, эске алыныштарыла ӱлешкендер.

Нонна Васильевна Кабакова:
— 2006 јылда мениҥ ижимде јаан кубулталар болгон. Ол тушта јылдыҥ баштапкы айында Кан-Оозында аймактыҥ эмчилигинде баш врачтыҥ тӧзӧмӧл-методикалык иш аайынча ордынчызы болуп иштегем. Кочкор айдыҥ учында су-кадыкты корыыр министрдиҥ ордынчызы И. В. Нонукова јаҥы тӧзӧлип јаткан организацияга иштеп кел деп, телефон соккон. Россу-кадыкшиҥжӱниҥ бӧлӱгине анайып келгем. Баштапкы ӧйлӧрдӧ кӱч болгон. Башталганында ӱч ле кижи иштегенис: Ирина Васильевна бойы, бухгалтер Е. П. Кузнецова ла мен. (...)

Арутай Адаров ✍

Элбеде газеттиҥ калганчы номеринеҥ кычырыгар.