#бэлиэкүн

🎂 Бу күн, 1967 сыллаахха Чурапчы улууһун Одьулуун нэһилиэгэр 2008-2013 сылларга Чурапчы улуус баһылыгынан үлэлээбит Семен Илларионович Яковлев күн сирин көрбүтэ.

Семен Илларионович үлэтин 1984 сыллаахха Мындаҕаайы сопхуоска оробуочайынан саҕалаабыта. Сэбиэскэй аармыйа кэнниттэн сопхуоһугар төннөн кэлэн сэкирэтээрдиир, Москубаҕа сир оҥорор үнүстүүккэ устудьуоннуур, өр кэмҥэ 1-кы категориялаах исписэлииһинэн, сүрүн исписэлииһинэн, Муомаҕа сир кэмитиэтин салайааччынан, 1999 сыллаахха Москубатааҕы үнүстүүтүн бүтэрэн Дьокуускай куоракка сир отделын салайааччынан, сүрүн исписэлииһинэн, унитарнай тэрилтэ дириэктэринэн, Ростехинвентаризация Саха сиринээҕи салаатын дириэктэринэн үлэлии сылдьыбыта. Төрөөбүт улууһугар төннөн кэлэн биэс сыл баһылыктаан баран 2013 сылтан айылҕа харыстабылын миниистирин 1-кы солбуйааччынан үлэлээбитэ.
Семен Яковлев - СӨ норуотун хаһаайыстыбатын үтүөлээх үлэһитэ, СӨ бочуоттаах сир туруорааччыта, Чурапчы улууһун бочуоттаах олохтооҕо.

@sanaoloh
#СэмэнЖендринский
@ulusmedia