Илдар Ҡаҙнабаев Стәрлетамаҡ 3-сө башҡорт лицей-интернатында физика уҡытыусыһы булып 15-се йыл эшләй. Ул – биш бала атаһы. Йәш быуынға һоҡлана.
– Хәҙерге балалар ғәжәп бит улар. Миңә уларҙың яңыны һә тигәнсе тотоп алыуы һәм технологиялар менән ҡыҙыҡһыныуы бик оҡшай. Бер нәмәне лә күҙ йомоп ҡабул итмәйҙәр: уларға мотлаҡ теге йәки был белемдәрҙең нимәгә кәрәк булыуын һәм ҡайҙа ҡулланыла алыуын аңларға кәрәк. Был беҙҙе, уҡытыусыларҙы, даими үҫергә, яңы ҡараштар эҙләргә һәм ҡәҙимге дәрес сиктәренән сығып китеүҙән ҡурҡмаҫҡа мәжбүр итә. Балалар менән “Траектория”ла эшләп, уларға бурысты, мәсьәләне үҙҙәренә һайларға һәм уның өсөн яуаплылыҡ тойорға мөмкинлек биреүҙең мөһимлеген күрәм – инженерлыҡ ҡыҙыҡһыныуы нәҡ шулай тыуа, – ти Илдар Ҡаҙнабаев.
Фото: Александр Попов / “Миссия: инженер” конкурсының ойоштороу комитеты.
Views: 27