Журнал Сююмбикэ | Сөембикә журналы

Шамил Маннапов

* * *
Рәхмәт сиңа матур итеп көлгән өчен,
Көтмәгәндә башым әйләндергән өчен,
Әлегәчә гади булган бар нәрсәне
Әллә нниди сихри ямьгә төргән өчен.

Рәхмәт сиңа төшләремә кергән өчен,
Көтеп алган яңгыр булып килгән өчен,
Күңлемдәге сулып барган гөлләремә
Яшәртүле яшәү көче биргән өчен.

Рәхмәт сиңа иң бәхетле көннәр өчен,
Кавыштырган сихри айлы төннәр өчен,
Рәхмәтемнең иң олысы: мәхәббәтне
Гомер буе саклап кала белгән өчен.

#Хәерлеиртә

Бүген «Сөембикә» журналының Туган көне.

Журнал тарихы матур мәхәббәттән башлана. Күренекле мәгърифәтче Ягъкуб Хәлили Зиннәтулла байның кызы Әсма туташның кулын сорый. Әсма туташ исә бер шарт куя – аның бирнә акчасына хатын-кызлар өчен журнал чыгарылырга тиеш. Безнең карточкаларда – журналыбызның тарихы.

Рөстәм Вәлиев исән булса, бүген аңа 65 яшь тулган булыр иде. Легендар сәнгатькәрнең туган көнендә аның тормыш һәм иҗат юлындагы үзенчәлекле сәхифәләрне барлыйбыз.

1. Милли уен коралларын коллекцияләгән. Баянчы халык традицияләренә тугрылыгы белән аерылып торды. Аның шәхси коллекциясендә 27 борынгы гармун сакланган, аларның иң өлкәне 1940 елда ук ясалган.

2. Илһам Шакировның алыштыргысыз сәхнәдәше. Рөстәм Вәлиев 29 ел дәвамында татар җыры легендасына аккомпаниаторлык итте. Җырчы белән музыкант арасындагы иҗади тандем олы үрнәк булып калды: ул бөек башкаручыны бер сулышыннан, керфек какканнан ук аңлый иде.

3. «Минута славы» тамашасында милли моңны танытты. 2010 елда ул үзәк телевидениедәге популяр телепроектта катнашып, тальянда уйнау осталыгы белән бөтен илне таң калдырды.

4. Татар моңын дөньяга таратты. Маэстро АКШ, Кытай, Франция, Германия кебек чит ил тамашачыларын яулады. Кайда гына гастрольләрдә йөрсә дә, аның көндәлекләрендә туган җиргә, үз авылларыбызга карата чиксез сагыну хисе чагылды.

Матурмы?
❤️ куегыз!

«ТАТМЕДИА» акционерлык җәмгыяте генераль директоры Шамил Мөхәммәт улы САДЫЙКОВны туган көне белән котлыйбыз!

Тынгысыз, оештыру талантына ия зирәк җитәкчегә җаваплы эшендә, шәхси тормышында уңышлар, сәламәтлек, бетмәс-төкәнмәс энергия телибез!

Татар халкының беренче профессиональ хатын-кыз композиторы Сара Садыйкованың 120 еллыгы уңаеннан уздырылган концертта яңгыраган халыкчан җырларыннан видео-попурри. Кайсыларын таныдыгыз, кайсысын беренче ишетәсез?

Видео: Чулпан Галиәхмәтова

#ТАТМЕДИА #Сөембикә_журналы

Ак Барс Банк: деньги на важные цели - просто и выгодно!
 
Кредит под залог недвижимости - на любые цели: от ремонта и обучения до покупки автомобиля.
• До 20 млн ₽ (зависит от оценки объекта)
• Срок: 3–15 лет
• Залог: квартира или дом с участком
• Ставка (полная стоимость кредита - 21,253–22,028%) от 19,9%: для зарплатных клиентов при залоге квартиры со страхованием жизни и трудоспособности.
Для работающих по найму, владельцев бизнеса, ИП, самозанятых, нотариусов и адвокатов.
 
Кредит неработающим пенсионерам - без обеспечения!
• Сумма: 30 000 – 1 000 000 ₽
• Срок: 1–5 лет
• Ставка (полная стоимость кредита — 29,763–32,891%) от 20,90% до 21,90% (при страховании жизни и здоровья)
 
Оценивайте свои финансовые возможности и риски. Перед оформлением изучите все условия кредита (займа) кредитования на официальном сайте.

Салисә Гәрәева

* * *
Мин югалсам - китсәң язмышыңнан
Өзелгән бер кылдай, чыңгылдап,
Эзләремне юып, йөрәгеңә
Моңнар салыр көзге яңгырлар...

Чакыруым калыр болытларда,
Яфраклардан сүзем яңгырар.
Эзләремне юып, моңландырыр
Сине көзге боек яңгырлар.

Йөрәгеңдә калыр, хәтереңдә
Минем җылы, гади чалымнар.
Моңнар калыр көзге яңгырларда
Саубуллашып киткән чагымнан.

Фото: Анна Арахамия

#Хәерлеиртә

Көз һәм кыш айларында балалар ОРВИ белән еш авырый. Әлбәттә, баланың авыруы һәр әти-әнине хавага сала. Педиатр, медицина фәннәре кандидаты Илдус Лотфуллин балаларга еш салкын тию иммунитет үсешенең бер этабы дип аңлата. Гадәти салкын тиюдән курыкмаска киңәш итә ул. Иң мөһиме – баланың хәлен дөрес бәяләү һәм кирәкмәгән дарулар белән дәваламау кирәген әйтә. Аның киңәшләре – карточкаларда.

Бу минутларда Казан дәүләт филармониясе залында «Кайтаваз. Сара Садыйкова» концерты бара. Аны «Калеб» яңа буын җыены оештырган.