"Ашҡаҙар" гәзите | Газета "Ашкадар"

Йылы итеп яҙалар...
Гөлнур Ҡолһарина, РФ Дәүләт Думаһы депутаты:
- Гәзит ул яңылыҡ еткереүсе генә түгел, һәр ваҡыт халыҡ менән власть органдары араһында тоташтырыусы күпер булды һәм булып ҡала.
"Ашҡаҙар" гәзитен интернет киңлектарендә һәм ҡулға төшкәндә ҡағыҙ вариантын да уҡып барам. Гәзиттә махсус хәрби операция геройҙары хаҡындағы яҙмалар оҡшай. Журналистар нисектер улар хаҡында йылы, ябай итеп яҙа белә. Ҙур рәхмәт!
Әйткәндәй, Стәрлетамаҡта йәшәүсе МХО ветерандары ғаиләләренә 2027 йылға ун дана"Ашҡаҙар" гәзитенә яҙҙырҙым. Быны маҡтаныр өсөн әйтмәйем, ҡалала һәр етәксе үҙ урынында яугирҙарыбыҙға, уларҙың ғаиләләренә, матбуғатҡа ярҙам итеү буйынса ҡулынан килгәнсә өлөш индерергә тейеш тип уйлайым. Һәммәгеҙҙе лә ошо матур акцияға ҡушылырға саҡырам!

Әҙәмдәрҙең төрлөһө бар яҡшыһы ла,
Үҙен генә яҡшы тигән яманы ла.
Ғәйепһеҙҙә ғәйеп эҙләй торғаны ла,
Дуҫ тигәнең дошманыңа һатҡаны  ла.
Сит - яттарҙың ярҙам ҡулы һуҙғаны ла,
Танышыңдың сәләм бирмәй уҙғаны ла.
Матур һөйләп күҙгә ҡарап типкәне лә,
Асыу тотмай югереп килеп үпкәне лә.
Был доньяла буталдылар барыһы ла,
Әсәләрен үҙ йортонан ҡыуғаны ла.
Ғәфү һорап балауыҙын һуҙғаны ла,
Балаларын йәлләмәйсә ташлаусы ла.
Туғандарҙы туған итмәй торғаны ла,
Яҡындарын онотоусы байҙары ла.
Һуңғы тәңкәһен биреүсе ярлыһы ла,
Үҙ теленән оялыусы башҡорто ла.
Был доньяла буталдылар барыһы ла,
Намаҙына ваҡыты тар булғаны ла.
Аллаһының динен һатҡан ҡолдары ла,
Иле,дине , ере өсөн янғаны ла.
Әҙәмдәрҙең төрлөһө бар матуры ла,
Матурлығын һаҡламаған насары ла.
Йәш сағында татуаждар һыҙыусының,
Насар инде хәҙер уның ҡаштары ла.
Был доньяла буталдылар барыһы ла,
Бер туғандар дошман булып йәшәүселәр,
Аҡса өсөн йорт нигеҙен бүлеүселәр,
Күбәйҙеләр үсегешеп йөрөүселәр.

Фәниә Сыңғыҙова(Мөхәмәтшина)

❇️ 🎶 🎤 🌷🌷🌷Яҡташыбыҙ Илнар Ғәниев Мәскәүҙә Андрей Малаховты һәм студия ҡунаҡтарын әсир итеп ҡайтҡан.