Икӗ агроколледж валли 285 млн тенкӗ уйăрнă
Акçунри тата Урал леш енчи (Баймак хули) агропромышленность колледжӗсем Раҫҫей ял хуҫалӑх министерствин конкурс ҫӗнтерӳҫисен йышне кӗнӗ.
Пушкӑртстанри икӗ колледж пурлӑхпа техника базине ҫӗнетме федералă хыснаран субсидисем илӗ. Сӑмах Элшей районĕнчи Акçун ялĕнчи Н.М. Сибирцев ячӗллӗ агропромышленность тата Баймак хулинчи. З.Ш. Акназаров ячĕллĕ Урал леш енчи агропромышленность колледжӗсем пирки пырать. Суйлава Раҫҫей ял хуҫалӑх министерстви "Апат-ҫимӗҫ хӑрушсӑрлӑхне технологи тӗлӗшӗнчен тивӗҫтересси" наци проекчӗн "Агропромышленность комплексӗнчи кадрсем"федераци проекчӗпе килӗшӳллӗн ирттернӗ.
Республикӑри ҫут ӗҫ министрӗ Ильдар Мавлетбердин правительствӑн оперативлӑ канашлӑвӗнче икӗ ҫул хушшинче колледжсем 285 млн тенкӗ ытла федераллӑ субсиди илесси пирки пĕлтернĕ.
Сăмах май, Пушкӑртстанра пилӗк ҫул хушшинче 38 колледжа юсанă.