Ватă çынсене 3200 тенкĕлĕх сертификатсем парĕç

 Июль уйăхĕн 10-мĕшĕнче республикăра «кĕмĕл ÿсĕмри» çынсене 3200 тенкĕлĕх социаллă сертификатсем парасси çула тухасси çинчен ПР Çемье, ĕç тата халăха социаллă хÿтлĕх паракан министерствăра пĕлтернĕ.
 Асăннă мера «Çемье» наци проектăн «Аслă ăру» регион проекчĕпе пурнăçланать, ăна вăрăм ĕмĕрлисен хастарлăхĕпе сывлăхне упрама хута янă.
 Сертификатсене пĕлÿ мероприятийĕсене, физкультурăпа сывлăха çирĕплетмелли занятисене тата кану программисене хутшăнма усă курса пулать. Асăннă çăмăллăха илес тесен черете тăмалла.
Сертификат илессипе ыйтусем пулсан 8-800-100-00-01 пĕрлĕхлĕ контакт центрĕн номерĕпе çыхăнса пĕлме пулать.