ДОГАЛЫ ЙОРТ

Фәрештәләр кемнәр өчен дога кыла?

Ислам динендә фәрештәләр иман китергән кешеләр өчен Аллаһы Тәгаләдән гөнаһларын гафу итүне сорап даими дога кылалар. Бу хакта Коръәндә “Гафир” сүрәсенең 7 нче аятендә: “Тәхетне күтәрүче һәм аның тирәсендә булган фәрештәләр Раббыларын мактап кимчелектән пакьлиләр, Аңа ышаналар һәм иман китергән кешеләр өчен гөнаһлары гафу ителүне сорап дога кылалар”, – диелә.

Шулай ук хәдисләрдә дә аерым кешеләр турында килә: 

Намаз кергән вакытны көтеп утыручылар: “Намаз укыган урында тәһәрәтле килеш көтеп утырган кешегә фәрештәләр: «Йа Раббым, аны гафу ит, йа Раббым, аңа рәхмәт кыл», – дип торалар (Бохари, Мөслим).

Җомга намазында беренче рәттә булучылар: «Чынлыкта, Аллаһ һәм Аның фәрештәләре беренче сафларда торучыларга фатиха бирәләр (дога кылалар)» (Ибн Мәҗәһ, Әбү Давыд).

Тәһарәтле килеш йокларга ятучылар: «Кем дә кем тәһарәтле килеш йокларга ятса, аның эчке киеме эчендә бер фәрештә кунар. Ул кеше төнлә нинди генә сәгатьтә уянмасын, фәрештә һичшиксез: “Йа Аллаһ! Бу бәндәңне гафу ит, чөнки ул тәһарәт белән йоклады”, – дип әйтер» (Ибн Хиббан).

Авыру кешенең хәлен белергә баручылар: “Мөселман кардәшенең иртән хәлен белергә барган кеше өчен меңләгән фәрештә кичкә кадәр яки кич барса, иртәнгегә кадәр истигъфар кыла” (Тирмизи).

Сәдака бирүчеләр: “Һәр көнне иртән ике фәрештә иңә һәм шуларның берсе: «Әй, Аллаһ, малын изгелеккә сарыф итүчегә үзеннән арттырып бир», ә икенчесе: «Әй, Аллаһ, саранның малын һәлак ит», – дип дога кыла” (Бохари, Мөслим).

Кардәше өчен аның үзе күрмәгәндә дога кылучылар: «Мөселман кешесенең үз кардәше өчен ул юк чакта кылган догасы кабул була. Аның башы янында бер фәрештә тора һәм ул үз кардәшенә яхшылык теләп дога кылган саен, әлеге фәрештә: “Әмин! Сиңа да шуның кадәр булсын!” – дип җавап бирә» (Сахих Мөслим, 2733).

Дилбәр Гарифуллина

Догалы йорт

Коръән укуның тагын нинди фазыйләтләре бар? Аны укырга керешкәнче без нәрсәләрне белеп торырга тиеш? «Казан нуры» мәчете имам-хатыйбы Алмаз хәзрәт Мөхлисов белән шулар хакында сөйләштек.

— Хәзрәт, әңгәмәбезне Коръән укуның саваплары турында сөйләшүдән башлыйк әле.

Тулырак: https://shahrikazan.ru/news/din/koriean-kyiamat-konenda-iaklaucy-da-gaeplauce-da

Эш башлаганда укыла торган дога🤲

Раббии йәссир үә ләә түгәссир сәһһил гәләйнәә йәә Раббии үә тәммим билхайр.

Йа Раббым, җиңеләйт һәм авырайтма! Эшебезне җиңел башкарырга насыйп ит һәм хәерлесе белән тәмамла.

Мөселман кешесе вакытын ничек уздырырга тиеш, кыямәт көнендә аның өчен адәм баласыннан сорау булачакмы? “Рәхмәтулла” мәчете имам-хатыйбы Рөстәм хәзрәт Ясәвиев белән шул сорауларга җавап эзләдек.

– Хәзрәт, кыямәт көне алдыннан вакыт тизәер, диләр. Бу вакытның бәрәкәте бетү белән бәйлеме икән?
– Коръәндә вакытның тиз узуы турында нәрсә дә булса әйтелми, әмма анда Аллаһы Тәгалә, төшкә хәтле булган вакыт белән, таң белән, төн белән ант итәм, ди. Ә менә Әнәс бин Мәликтән килә торган хәдистә, Пәйгамбәребез (с.г.с.): “Кыямәт көне җитмәс, бер ел – бер ай, бер ай – бер атна, бер атна – бер көн, бер көн – бер сәгать, ә бер сәгать шырпы сызарлык мизгел кебек узмыйча”, – дип әйтеп калдырган. Гомер тиз узып китә, аны бәрәкәтле итеп үткәрергә кирәк. 

– Вакытның узуын сизми калуыбызда, бәлки, гаджетларның да “гаебе” бардыр. Шуны кулыбызга алсак, дөньябыз онытыла. Димәк, буш вакытны дөрес уздыра белмибез.
– Пәйгамбәребез (с.г.с.)нең бер хәдисендә: “Биш нәрсә килгәнче, әүвәлге бишнең кадерен бел: үлемең килгәнче – терек булуыңның, авыру килгәнче – сәламәтлегеңнең, мәшгуль булганчы – буш вакытыңның, картлык килгәнче – яшьлегеңнең, фәкыйрьлек килгәнче – байлыгыңның”, – ди. Көндәлек эшләрдән тыш, без Аллаһыга гыйбадәт кылырга да вакыт табарга тиешбез. Буш вакытны зикер әйтеп, тәсбих тартып, Коръән укып, дини гыйлем алып йә булмаса бер игелекле, саваплы гамәл кылып үткәрү бу дөньяң өчен дә, ахирәтең өчен дә файдалы. Игелек кыла алмасаң, һичьюгы гөнаһ эшләмә, бу да сәдака булып язылыр, иншаллаһ, дигән хәдис тә бар.

– Мәчеткә йөрергә, намаз укырга вакыт калмый диючеләр дә бар. Бу үзенә күрә бер аклану гынамы икән?  
– Намаз уку берничә минут вакытны гына ала. Кешенең вакыты телевизор каршында утырып, телефоннан кирәкмәгән сөйләшүләр алып барып, күбрәк тә узадыр. Ә менә кыямәт көнендә вакытны ничек үткәрүебез турында соралачакбыз. Пәйгамбәребез (с.г.с.): “Кыямәт көнендә Аллаһының коллары биш әйбер турында соралмыйча бер адым да атлый алмаслар”, – ди. Шуларның берсе – яшьлеген ничек уздырган? Өлкәннәр арасында, дөрес яшәмәдем, яшьлегем җил куып узды, дип сыкранып йөрүчеләр күп. Кызганыч, алар олыгайгач кына аңлый шул моны. Гел шулай яшь, көчле, сәламәт булырсың кебек бит ул. Гомер бетмәгән, иртәгә эшләрмен дип калдырабыз, иртәге көн җиткәч, тагын иртәгә дип калдырабыз. Бу гадәт хәзер бигрәк тә күп таралган.

– Акча югалтсак кайгырабыз, ә вакытыбыз бушка узганга юк. Бер караганда акча була ул, ә вакытны кайтарып булмый. Нишләптер без адәм балалары моны аңлап бетермибез.
– Тәкъва мөселманнар вакытлары бушка узгангабик кайгыра торган була. Өлкән яшьтәге әби-бабайлар арасында да, көн бер файдасызга үтте, дип борчылучылар бүген дә бар әле. Вакыт – агымсу, аны кире кайтара торган бер машина да уйлап табылмаган әле. Безнең өчен вакыт ул зур хәзинә. Аны мәгънәсез ток-шоулар, файдасыз сериаллар карап, буш сүз сөйләшеп, бер сәбәпсез диванда аунап үткәрмик. Вакытның кадерен белеп, гыйбадәттә булып, бу дөньябыз өчен дә, ахирәтебез өчен дә игелекле гамәлләр кылып яшик.

Дилбәр Гарифуллина

Дуслар, таныш кешемнең туганына акча җыялар🙏🏻 Бергәләшеп булышыйк әле🙏🏻 Ике бала анасына ярдәм кирәк, балаларга әни кирәк🤲🏻

8 906 325 24 80 Ак Барс, Сбербанк. Фатхуллин Рифнур Зуфарович
Назначение платежа: помощь на лечение

– Намазның әҗер-савабы өлешләп бирелә дигәнне ничек аңларга?

– Намазның фарызларын укысаң, Аллаһның әмерен үтәдең, намазың намаздан китте дигән сүз. Әмма күңелең белән намазда булмасаң, аның савабы аз була. Намазны ашыкмыйча җиренә җиткереп һәм сөннәтләрен дә укысаң, сиңа савабы күбрәк языла. Тәсбих тә тартсаң, зекер дә әйтсәң, савапны тагын да артыграк аласың. Өстеңнән намаз уку бурычын гына төшермисең, зур бер багаж савап та аласың.

Кыямәт көнендә килер ди фарыз намазлар һәм алар булыр ди тишекле-тишекле. Аллаһы Тәгалә шунда, башка саваплы гамәлләре бармы, дип сорар. Нәфел намазлар, сәдакаларың шул тишекләрне каплый. Сүз уңаеннан, сөннәт намазларын һичшиксез укырга кирәклеген дә әйтергә кирәк.

Аларны калдырырга гадәтләнмәгез, кайбер галимнәр: «Гөнаһлы булырсыз», – дип тә кисәтә.

(Равил хәзрәт Бикбаев белән әңгәмәдән)

Бу төркемгә кушылдыгызмы әле? Тормыш хәлләре, гыйбрәтле язмалар, дини әңгәмәләр, рецептлар... Әйтмәде димәгез)
https://max.ru/channel_muzaffar

"Төшенкелеккә бирелмәгез! Һичшиксез, авырлыктан соң җиңеллек киләчәк".
(94 : 5)