💢Бөек Ватан сугышында Җиңүнең 81 еллыгын билгеләргә әзерләнгән көннәрдә Георгий тасмасын тагу кагыйдәләрен искә төшерик.

💢Георгий тасмасы — Бөек Ватан сугышында һәлак булган каһарманнарга хөрмәт һәм совет халкының батырлыгы билгесе. Тасманы дөрес тагу — ул каһарманнарга хөрмәт билгесе.
💢Георгий тасмасын күкрәкнең сул ягына, йөрәк тирәсенә тагалар.
💢Тасманы аяк киеменә, баш киеменә, чалбар яки итәккә, сумкага, шулай ук, кулга беләзек, чәчкә резинка рәвешендә, машиналарның антенналарына, дворникларына, көзгеләренә, ишек тоткаларына, хайваннарның муенчакларына беркетергә ярамый.
💢Тасманы пычратырга, ертырга яки аяк астына ташларга ярамый.
💢Аны бары тик стиль яки образ элементы буларак кына кулланырга кирәкми, бу — хөрмәт билгесе.