Бер-ике көн һынған ҡул шулай һыҙларға тейештер инде тип түҙеп йөрөнө. Инде ҡулы гипсҡа һыймай ныҡлап шешеп, ауыртыуға түҙә алмай башлағас, күршеһе менән кире дауаханаға китте. Шәкирәне ҡайтармай шунда уҡ хирургия бүлегенә һалдылар. Һыҙлауҙы баҫа торған уколдар сәнскәс инде, нисәмә төн йоҡламаған Шәкирә ҡаты йоҡоға талды . Уянып китһә, саҡ һуштан яҙманы: ҡул бирсәткә кейгән ише ҡап-ҡараға әйләнгән ине. Йәһәт кенә Шәкирәне баш ҡала дауаханаһына ебәрҙеләр. Инде абруйлы профессорҙар ҡарап, ҡулында гангрена башланыуын һәм ҡырҡыуҙан башҡа әмәл ҡалмағанын әйткәстәре, юғалып ҡалды ҡатын.

https://moradim.ru/articles/y-m-i-t/2026-10-19/garmun-mo-o-4847845