Туганнарны кадерлик! Исән чакта хәлләрен белик, очрашып сөйләшик, кунакларга йөрешик, гомер бик тиз үтә, дуслар!🫂

ТУГАННАР

Туганнарның кадерләрен белеп,
Тату гына кирәк яшәргә.
Апам..абый...энем..сеңлем диеп,
Ничек рәхәт бит ул дәшәргә!

Еллар узгач, ныграк аңлыйсың,
Туганнарның ничек кирәген!
Туганнардан Ходай аермасын,
Һәммәбезгә тик шул теләгем!

Янәшәдә чакта туганнарның,
Кадерләрен кайчак белмибез.
Ә мәңгегә инде югалткач,
Каберләрен кочып елыйбыз.

Үкенечкә кала күрмәсен һич,
Жәлләмәгез матур сүзләрне!
Шулкадәрле килә күрәселәр,
Тик бер генә, якын йөзләрне.

Халидә Әсхадуллина.
____________
Шигырь ошаса, ❤куегыз, дуслар!

✅ "Өмет" каналына кушыл: https://max.ru/ometufa