«Тренд – дигән сүз бар, без дә, шушы трендтан төшеп калмыйча, алга…

«Тренд – дигән сүз бар, без дә, шушы трендтан төшеп калмыйча, алга барырга тиеш. Әйе, төрле кешеләр, төрле фикерләр бар. Кемдер: «Сындыра алмаячаклар, барыбер шуның белән барам, үземнең газетам белән үләм», – дип чыгара-чыгара да, алдан үзе үлмәсә дә, газетасы бетә инде. Әгәр син дөньяны үзгәртә аласың икән – үзгәртәсең, юк икән – үзең үзгәрәсең» – Васил Шәйхразыев

Казанда Бөтенроссия татар журналистлары форумы тәмамланды. Форумның соңгы көнендә катнашучылар Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев белән очрашты.