Лараме доттаг1ий!

Кхин а цхьа хаза кхаъ бу шуьга баккха. НР Йаздархойн союзо кху муьрехь зорбане даьхначу берийн жайнех цхьаъ ду Халикова Асетан «Жима Хеда» цIе йолу жайна. Халикова Асет массо жанрехь беркате къахьоьгуш йу. Ткъа х1ара жайна цо вайн берашна дина совгlат ду.
Цу тIехь вовшахтоьхна берашна лерина байташ, тайп-тайпанчу теманашна йазйина. Берийн йешаре болу безам а, церан нохчийн ойла кхиош, царна диканиг Iамош хуьлийла и керла жайна! Дала нохчийн матте безам кхуьуш, бусалба дог-ойла йолуш, нохчаллехь кхиайойла вайн къона тIаьхье!