Лайк пен қаралым үшін заңды бұзуға болмайды: ІІМ 9 блогерді жауапқа тартты

Ішкі істер министрлігі әлеуметтік желілерде құқыққа қайшы контент жариялаған 9 азаматтың әкімшілік жауапкершілікке тартылғанын хабарлады.

Олар лайк, қаралым мен донат жинау үшін тікелей эфирде балағат сөз айтып, қауіпті пранктер ұйымдастырған, төбелес сахналаған және қоғамдық тәртіпті бұзатын әрекеттерге барған. Сот шешімімен кейбіріне айыппұл салынса, енді бірі әкімшілік қамауға алынды.

ІІМ мұндай заң бұзушылықтар алдағы уақытта да анықталып, тиісті шаралар қабылданатынын ескертті. Ведомствоның айтуынша, әлеуметтік желідегі лақап ат немесе анонимділік жауапкершіліктен құтқармайды — заң цифрлық кеңістікте де бәріне бірдей қолданылады.

Дұрыс болды! Тиктокта ауыздарына келгенін оттап, білгенін істеп отыратындар қаншама! Жасы да, кәрісі де бар!

📹ҚР ІІМ