Dauletten

🏠 Ажырасқан жағдайда ипотека мен қарыз кімнің мойнында қалады?

Ерлі-зайыпты екіге кеткенде, ортақ баспананы бөлісу және несиені өтеу мәселесі туындайды. Мұндай жағдайда бірнеше жол бар.

Ипотекадағы пәтерді қалай бөлуге болады?

🔹Пәтерді бір жұбайына қалдыру. Ол екінші тарапқа тиесілі үлесінің құнын өтейді. Алайда ипотеканы бір адамның атына рәсімдеу үшін банктің келісімі қажет болуы мүмкін.

🔹Баспана сату. Сатудан түскен ақшаның есебінен ипотеканың қалған бөлігі өтеледі. Қалған қаражат ерлі-зайыпты арасында бөлінеді.

🔹Ипотеканы бірге төлеуді жалғастыру. Ерлі-зайыпты пәтерді сатпай, несиені бірлесіп өтей алады. Бірақ бұл үшін төлем тәртібін алдын ала келісіп алған жөн.

📌Қандай жағдайда пәтер бөлінбеуі мүмкін?

Егер баспана некеге дейін сатып алынса, мұраға қалса немесе сыйға берілсе, ол жұбайлардың ортақ мүлкі болып саналмауы мүмкін.

Ал ипотека некеге дейін рәсімделіп, кейін несие ортақ қаражат есебінен төленсе, екінші жұбай өтемақы талап етуге құқылы болуы мүмкін.

💰Ал несиелер қалай бөлінеді?

Некеде алынған барлық несие автоматты түрде екіге бөлінбейді. Сот қарыздың қандай мақсатта алынғанын және қаражаттың отбасы қажетіне жұмсалған-жұмсалмағанын ескереді.

Егер кредит жұбайлардың ортақ қажеттілігіне жұмсалса, қарыз ортақ міндеттеме ретінде қарастырылуы мүмкін. Ал бір адамның жеке қажетіне алынған несие сол адамның жауапкершілігінде қалуы ықтимал.

**Уатсап жасамай тұрған сияқты ма?**👀

💸 Елімде мүгедектігі бар азаматтарға 259 мың теңгеге дейін төлем беріледі

Қазақстанның бірқатар өңірінде мүгедектігі бар азаматтарға 12 975 теңгеден 259 500 теңгеге дейін біржолғы әлеуметтік көмек көрсетіледі. Төлем мөлшері мен алушылар санаты өңірге байланысты. Қаражат Мүгедектігі бар адамдардың құқықтарын қорғау күніне немесе Республика күніне орай беріледі.

🗺Өңірлер бойынша төлем мөлшері:

🔹 Астана: I топқа – 86 500 теңге, II топ пен балаларға – 43 250 теңге, III топқа – 21 625 теңге. Өтініш қажет емес.

🔹 Ақмола облысы: барлық топ пен балаларға – 12 975 теңге.

🔹 Абай облысы: I, II топтағы ересектер мен балаларға – 21 625 теңге.

🔹 Ақтөбе облысы: мүгедектігі бар ересектерге – 56 225 теңге, балаларға – 112 450 теңге.

🔹 Атырау облысы: 18 жастан асқан I, II, III топтағы азаматтарға – 86 500 теңге. Өтініш қажет емес.

🔹 Батыс Қазақстан облысы: мүгедектігі бар балаларға – 20 000 теңге.

🔹 Жетісу облысы: мүгедектігі бар балаларға – 25 950 теңге.

🔹 Қызылорда облысы: барлық санатқа – 12 975 теңге.

🔹 Павлодар облысы: мүгедектігі бар баланы тәрбиелеп отырған отбасыларға – 108 125 теңге, I және II топтағы азаматтарға – 21 625 теңге. Ақылы бөлімде оқитын студенттерге ЖОО-да – 259 500 теңге, колледжде – 129 750 теңге.

🔹 Түркістан облысы: үйде арнаулы әлеуметтік қызмет алатын 3 182 балаға көмек көрсету жоспарланған. Нақты сомасы жарияланбаған.

🔹 Шымкент: мүгедектігі бар балаларға – 21 625 теңге. Бұл мақсатқа 178,1 млн теңге бөлінеді.

🔹 Ұлытау облысы: 18 жастан асқан I, II, III топтағы азаматтарға – 20 000 теңге.

❌Қай өңірлерде төлем жоқ?

Алматы қаласы, Алматы, Жамбыл, Маңғыстау, Солтүстік Қазақстан, Шығыс Қазақстан, Қостанай және Қарағанды облыстарында бұл мерекеге орай біржолғы көмек қарастырылмаған.

Ескерту: төлем мөлшері мен алушылар санатын жергілікті мәслихаттар белгілейді. Біржолғы көмектің болмауы ай сайынғы мемлекеттік жәрдемақының тоқтатылатынын білдірмейді.

🏠 Отбасы банктен үй алуға қатысты жаңа мүмкіндік пайда болды

15 қазаннан бастап Отбасы банктің аралық заемын алу тәртібі өзгерді. Енді депозитте ақша жинап, 6 ай күтудің қажеті жоқ.

Бұған дейін заем алу үшін депозиттің бағалау көрсеткіші кемінде 5 болуы талап етілді. Бұл көрсеткішке жету үшін ақшаны депозитте кемінде жарты жыл ұстау қажет болатын.

Енді қандай талаптар бар?

🔹 Депозитте алынатын заем сомасының 50%-ы болуы керек;
🔹 Құрылыс компаниясынан пәтерді брондағанын растайтын құжат қажет.

Мысалы: 30 млн теңге заем алуды жоспарласаңыз, депозитіңізде 15 млн теңге болуы тиіс. Бұл қаражатты депозитте 6 ай бойы сақтау міндетті емес.

Заем шарттары қандай?

📌Бастапқы пайыздық мөлшерлеме – жылдық 8,5%. Кейін ол 3,5–5%-ға дейін төмендейді.

📌BI Group осы бағдарлама аясында төрт қалада 600 пәтер ұсынады. SAT NS және QazaqStroy компанияларымен де келіссөздер жүргізіліп жатыр.

Сонымен қатар «Наурыз» бағдарламасы бойынша мақұлданған заемдарды рәсімдеу мерзімі 30 желтоқсанға дейін ұзартылды.

2027 жылдан бастап ауқатты отбасылар жәрдемақы ала алмайды

Премьер-министр Олжас Бектеновтің айтуынша, мемлекеттен көмекке мұқтаж емес азаматтардың жәрдемақы алуы әділетсіз. Сондықтан келер жылдан бастап халықтың әл-ауқаты бағаланып, әлеуметтік төлемдерді тағайындау тәртібі өзгереді.

Жаңа тәртіп бойынша, А және В санатындағы ауқатты отбасылар жәрдемақының 10 түрін ала алмайды. Бұл өзгерістер көпбалалы отбасыларға берілетін төлемдерге, бала тууына байланысты біржолғы жәрдемақыға және бала күтіміне арналған төлемдерге де қатысты болады.

Ал отбасының қаржылық жағдайы нашарлап, С, D немесе E санатына өтсе, әлеуметтік көмек қайта тағайындалуы мүмкін.

Үкіметтің жоспары бойынша, реформа нәтижесінде 2027 жылы 700 миллиард теңге, ал алдағы үш жылда 2,5 триллион теңге үнемделеді.

Сонымен қатар, 2027 жылдан бастап банктер азаматтардың банк шоттары, депозиттері, кірістері мен шығыстары туралы мәліметтерді отбасы мүшелерінің келісімімен береді. Отбасының әл-ауқаты «Отбасының цифрлық картасы» арқылы ай сайын бағаланады.