🕊️Илдар Галәветдиновның якты истәлеге күңелләрдә сакланыр

Илдар Анатолий улы Галәветдинов тумыштан сәләтле, үзлегеннән күп нәрсәгә өйрәнгән, белеме һәм тәҗрибәсе белән башкаларга ярдәм иткән шәхес иде. Ул районның авыл хуҗалыгында компьютер технологияләрен куллануга юл ачкан кешеләрнең берсе булды.

Колхоз-совхозларга беренче компьютер программаларын кертүдә катнашты, шәхси ярдәмче хуҗалыкларга субсидия алу өчен документлар әзерләүдә күпләргә булышты. Ярдәм сорап мөрәҗәгать иткән беркемне дә кире бормады.

Кызганыч, шундый киң күңелле, кирәкле кеше арабыздан мәңгелеккә китте. Аның башкарган эшләре һәм кешеләргә кылган игелекләре онытылмас.