Акнă вăрлăх сая кайманни савăнтарать

 Республика кунĕ умĕн Çтерлĕ хулинчи 11№ шкулта чăн-чăн пĕрлĕх уявĕ – 1-6 классене пĕрлештернĕ «Халăхсен туслăхĕн фестивалĕ» – иртрĕ. Пирĕн шкул сцени культурăсен калаçăвĕн уçлăхне çаврăнчĕ: кунта пушкăрт, вырăс, тутар тата чăваш чĕлхисем янăрарĕç.

Пушкăртстан историйĕ илемлĕ театр постановкисенче, халăх ташшисенче тата юрăсенче чĕрĕлсе пычĕ. Уйрăм тимлĕх пĕрремĕш классене уйăрчĕç. Ачасем сцена çине пĕрремĕш хут тухрĕç. Зал тăвăллăн алă çупма пуçласассăн хумхану туйăмĕ мăнаçлăхпа улшăнчĕ. Пĕчĕкскерсем Петр Хусанкайăн сăввисене вырăс тата чăваш чĕлхисемпе уйрăмах пысăк хавхаланупа шăрантарчĕç. Ку вĕсемшĕн килĕшÿпе туслăхăн тата пултарулăхăн пысăк тĕнчине тунă пĕрремĕш утăм пулчĕ. Куншăн «Туссем» театр студийĕн ертÿçине Людмила Растригинăна (Григорьева) пысăк тав.

Тĕплĕнрех пĕлме - https://ursassi.ru/