Я. Емельянов исемендәге мәдәни үзәктә ике зур вакыйга — “Бистәрләрем чигүле” дип аталган этнографик күргәзмә ачу һәм “Мирас” китабын тәкъдим итү кичәсе булды ❤
Һәр халыкның үзенә генә хас җаны бар. Ул җан — бизәкләребездә, чигүле бистәрләрдә, тәңкәле саклавычларда, әбиләрдән калган сандыклардагы мирасларда. Шул җанны ачып бирә торган асыл затыбыз — үзе бер тарих, үзе бер байлык. Ул — “Туганайлар” газетасының элеккеге журналисты, керәшен киеме һәм саклавыч-бизәкләре белгече, һәвәскәр этнограф, бик күп керәшен авылын йөреп чыккан, сандыклардагы мирасларны берәмтекләп барлаган Валентина Петровна Максимова!
Кичә шундый җылы һәм рәхәт узды. Дәрәҗәле кунаклар катнашты, алар Валентина Максимованың иҗат эшләренә югары бәя бирде.
Матур фотолар тәкъдим итәбез: https://vk.ru/album-11373411_312232150
📸 Алиса Ахметшина фотолары