«Күргән бармы каеннарның, алтынга күмелгәнен...»🍂

📖Шагыйрь карендәшләребез Никифор дәдәй Тукмачевның соңгы вакытта язган шигырьләре.

🍁Көзге моң

Күктә болытлар куера,
Яңгыр сибәләп үтә,
Көзге җилләр каеннарның
Сары толымын сүтә.
Көзнең әле күшектергеч
Көннәре җитмәсә дә,
Яфраклар коела, җилләр
Иссә дә, исмәсә дә.
Урман буйларында буран, —
Хисләрем адашырлык.
Кем җырламый түзә алган
Эчтә җан була торып?!
Көзге болыт саубуллаша,
Агач башларын үбеп.
Китәр вакытларым җитте, —
Көзге болытлар кебек…

Күбрәк шигырьләр: https://tuganaylar.ru/news/an-al-itkanda/nikifor-tukmacev-kurgan-barmy-kaennarnyn-altynga-kumelganen