«Минзәлә-информ» редакциясе җитәкчесе, танылган журналист Илдус Шаһиев 65 яшендә вафат булды.

Илдус Шаһиев гомерен журналистикага багышлады. Күпьеллык хезмәте дәвамында ул тәҗрибәле җитәкче, каләм остасы һәм зирәк остаз буларак танылды. Туган редакциясенең үсеше өчен янып яшәде, Татарстанның массакүләм мәгълүмат чараларын үстерүгә зур өлеш кертте.

Аның вафаты — Татарстан журналистикасы өчен зур югалту. Якты истәлеге күңелләрдә сакланыр.

«Шәһри Чаллы» коллективы мәрхүмнең гаиләсенең, якыннарының һәм хезмәттәшләренең тирән кайгысын уртаклаша.