Ил Дархан Петр Шамаевтыын көрүстэ
Саха сирин Ил Дархана Айсен Николаев Судаарыстыбаннай Дуума депутата Петр Шамаевы кытта оробуочай көрсүһүүнү ыытта. Кини инники былааннарын уонна депутат үлэтин сүрүн хайысхаларын кэпсэттилэр.
Петр Витальевич Галина Данчиковалыын бииргэ үлэлии сылдьар федеральнай бүддьүөт бырайыагар этиилэргэ ордук болҕомто уурулунна. Бүддьүөт быһаарыыларын ылыныыга өрөспүүбүлүкэ этиилэрэ учуоттаналлара улахан суолталаах.
Депутат сүрүн соруктарынан байыаннай дьайыылар бэтэрээннэригэр уонна СВО кыттыылаахтарыгар көмө, ыччат бэлиитикэтин, тыа сирин өйөөһүн киирэллэр.
«Петр Витальевич баай уопута, билиитэ Саха сирин интэриэстэрин көмүскүүргэ, наадалаах боппуруостары быһаарарга төһүү буолуоҕа диэн эрэнэбин», — диэн Ил Дархан эттэ.