🌽 «Август-Мөслим» ашлык кукурузын җыюга кереште

«Август-Мөслим» җәмгыяте басуларында ашлык кукурузын җыю эшләре башланды.

Быел әлеге басуда уңыш мулдан көтелә: кукурузның уңдырышлылыгы гектарыннан 125 центнерны тәшкил итә. Бу — игенчеләрнең тырыш хезмәте, җирне нәтиҗәле эшкәртү һәм агротехник чараларны вакытында башкару нәтиҗәсе.

Хәзерге вакытта төп бурыч — үстерелгән уңышны югалтуларсыз җыеп алу һәм амбарларга кайтару.

🌾 Басу-кырларда эш кайный! Игенчеләргә уңышлы хезмәт, һава шартларының уңай торуын телибез!

Фото - район хакимиятенең матбугат хезмәтеннән.
#Мөслим #АвгустМөслим #АвылХуҗалыгы #Уңыш2026