ЧОНУМГА МЭЭҢ СӨҢҮМ БОЛЗУН 💫
✨ Октябрьның 28-те 18:00 шакта Тыва национал театрның хоочуну, шии артизи Мария Сандактың «Чонумга мээң сөңүм болзун» деп юбилейлиг чогаадыкчы кежээзинче көрүкчүлерни, театр уран чүүлүнүң мөгейикчилерин болгаш өңнүктерин чалап тур бис.
❤️Мария Кыргысовна Сандак – Б. Щукин аттыг театр институдунуң тыва студиязының 1978 чылда доозукчузу. Мустай Каримниң «Ай туттурган дүнезинде» Таганбикениң овур-хевирин, Эжен Лабиштиң «Терезин шляпа» деп шиизинде Баронессаның ролюн диплом ажылы кылдыр ойнааш, ук шиилерни щукинчи эш-өөрү-биле республиканың бүгү кожууннарынга бараалгадып чораан. Хөй чылдарда Мария Кыргысовна төрээн театрының дааранылга салбырынга ажылдап келген.
🎭Сөөлгү он чылдың дургузунда артист сценаже катап эглип кээп, янзы-бүрү шиилерде чидиг аажы-чаңныг, турум, шыңгыы маадырларның овур-хевирлерин тургузуп, чонга бараан болуп чоруур. Ооң актёржу онзагайынга кандыг-ла-бир каттырынчыг аажы-чаң азы хөглүг болуушкун дамчыштыр амыдыралдың ажыг, човулаңныг талазын илередип ойнаптары хамааржыр.
⭐️Мария Сандактың чогаадыкчы кежээзи ийи кезектиг. Бирги кезээнге назы дөгүй берген ада-иениң болгаш оларның өзе берген ажы-төлүнүң аразында нарын харылзааларының дугайында кыска шиини артист белеткээн. Ук харылзаалар, бир талазында, мөңгеде быжыг. Чүге дизе ада-иениң ажы-төлүнге ынакшылы кажан-даа кошкаш дивес. А, өске талазында, амыдыралдың янзы-бүрү чылдагааннарының уржуундан ажы-төлүнүң ада-иезинге хамаарылгазы хээрек удазын дег чиңгелеп, үстүрүнүң кырынга кээп болур. Ындыг янзылыг нарын төөгүнү Мария Сандак хөглүг, элдептиг, баштак ужуралдар таварыштыр ойнап бараалгадыр.
🎤Чогаадыкчы кежээниң ийиги кезээнде янзы-бүрү шиилерден көргүзүглерни, ыры-шоорну, уран номчулганы артист эш-өөрү-биле болгаш щукинчилер-биле юбиляр көрүкчүлеринге бараалгадыр.
Билеттерни театрның кассазындан азы дараазында ссылка-биле садып ап болур:
https://ortuluk.ru/#get_hall/i8t_17_ip_2/3Z0
✨ Октябрьның 28-те 18:00 шакта Тыва национал театрның хоочуну, шии артизи Мария Сандактың «Чонумга мээң сөңүм болзун» деп юбилейлиг чогаадыкчы кежээзинче көрүкчүлерни, театр уран чүүлүнүң мөгейикчилерин болгаш өңнүктерин чалап тур бис.
❤️Мария Кыргысовна Сандак – Б. Щукин аттыг театр институдунуң тыва студиязының 1978 чылда доозукчузу. Мустай Каримниң «Ай туттурган дүнезинде» Таганбикениң овур-хевирин, Эжен Лабиштиң «Терезин шляпа» деп шиизинде Баронессаның ролюн диплом ажылы кылдыр ойнааш, ук шиилерни щукинчи эш-өөрү-биле республиканың бүгү кожууннарынга бараалгадып чораан. Хөй чылдарда Мария Кыргысовна төрээн театрының дааранылга салбырынга ажылдап келген.
🎭Сөөлгү он чылдың дургузунда артист сценаже катап эглип кээп, янзы-бүрү шиилерде чидиг аажы-чаңныг, турум, шыңгыы маадырларның овур-хевирлерин тургузуп, чонга бараан болуп чоруур. Ооң актёржу онзагайынга кандыг-ла-бир каттырынчыг аажы-чаң азы хөглүг болуушкун дамчыштыр амыдыралдың ажыг, човулаңныг талазын илередип ойнаптары хамааржыр.
⭐️Мария Сандактың чогаадыкчы кежээзи ийи кезектиг. Бирги кезээнге назы дөгүй берген ада-иениң болгаш оларның өзе берген ажы-төлүнүң аразында нарын харылзааларының дугайында кыска шиини артист белеткээн. Ук харылзаалар, бир талазында, мөңгеде быжыг. Чүге дизе ада-иениң ажы-төлүнге ынакшылы кажан-даа кошкаш дивес. А, өске талазында, амыдыралдың янзы-бүрү чылдагааннарының уржуундан ажы-төлүнүң ада-иезинге хамаарылгазы хээрек удазын дег чиңгелеп, үстүрүнүң кырынга кээп болур. Ындыг янзылыг нарын төөгүнү Мария Сандак хөглүг, элдептиг, баштак ужуралдар таварыштыр ойнап бараалгадыр.
🎤Чогаадыкчы кежээниң ийиги кезээнде янзы-бүрү шиилерден көргүзүглерни, ыры-шоорну, уран номчулганы артист эш-өөрү-биле болгаш щукинчилер-биле юбиляр көрүкчүлеринге бараалгадыр.
Билеттерни театрның кассазындан азы дараазында ссылка-биле садып ап болур:
https://ortuluk.ru/#get_hall/i8t_17_ip_2/3Z0