Йошкар-Олаште Изи Какшан серыште, Дева Мария площадьыште да Г. Константинов лӱмеш академический руш драме театр воктене корно правил пудыртымашым шижтарыше рейд-влак эртаралтыт.

Кугыжаныш автоинспекцийын да тунемме вер-влакын пашаеҥышт электросамокат, гироскутер, велосипед да индивидуальный мобильность средство дене кудалыштше-влакым шекланат. Ушештарена, нине верлаште рӱдоласе округ администрацийын постановленийже дене келшышын, тыгай транспорт дене кудалышташ чарыме. Рейд жапыште ик права пудыртымашым шекланеныт, тыгак ача-ава-влак ваштареш 4 протоколым возеныт.