Марий Элыште СВО ветеран-влак «Школа фермера» проектыш ушненыт.

Нуно емыжым, пареҥгым да пакчасаскам кушташ, шыл да шӧрлан вольыкым ончаш, шорыкым да казам кучаш, мӱкшым ончаш тунемыт, агротуризм нерген, ялозанлыкыште цифровой технологий нерген шукырак пален налыт. Тиде шинчымаш практике пашаште пайдале лиеш. СВО ветеран-влаклан икмыняр полыш йӧн уло. Ты радамыште «Агромотиватор» грант. 2026 ийыште «Агромотиватор» программе дене пашам шукташ грантым Килемар кундем гыч Алексей Астафьев да Курыкмарий гыч Андрей Львов налыныт. Тидын дене пырля ветеран-влак социал контрактым пеҥгыдемден кертыт. Тачысе кечын 5 ветеран агросекторышто пашам ышташ кумылжым ончыктен.

Фотосӱрет: vk.ru/fondzo12