Идалык тӱҥалтыш гыч республикыште икымше йочам ыштыше авалан роддом…

Идалык тӱҥалтыш гыч республикыште икымше йочам ыштыше авалан роддом гыч лекме годым 1294 пӧлекым кучыктеныт. Тиде полыш 2025 ий 1 январь дечын вара ешыште икымше икшыве шочеш гын, ойырат. Тыгодым ача-ава Российын гражданинже лийшаш, кеч иктыже эреак Марий Элыште илышаш. Палемдыман, ешыште йыгыр икшыве шочын гын, пӧлекым кажне шочшо азалан пуат. Пӧлек коробкаш йоча гигиеным, пеленкым, пушкыдо махровый солыкым, шокшо пледым, вӱд атым, кленчам ырыкташ стерилизаторым пыштат. Комплектым роддомышто мӧнгӧ кайыме годым пуат, пӧлек олмеш окса компенсацийым налаш огеш лий. Тидын нерген паша да социал вияҥмаш министерстве палдара.