Республикысе газоснабжений системе телылан ямдылалтеш.

Йӱштӧ жап вашеш специалист-влак мланде йымалне кайыше 352 километр газ пучым, тыгак 109 газораспределительный сетьым тергеныт. Тидын дене пырля газын редуцированийже шотышто пункт-влакым технически тӧрленыт, кӱлмӧ верлаште газ пучым чиялтеныт. Посна тӱткын аварийно-утарыше службо-влакын ямде улмыштым акленыт.