9 у школ автобусым пуэныт 🚌

Пытартыш вич ийыште Марий Эл «Единый Россий» партийын тарватыме «Школьный автобус» программыже полшымо дене 160 у автобусым налын. Кызыт республикыште 364 регулярный маршрут дене 6 тӱжем утла тунемшым шупшыктат.

Чыла машина лӱдыкшыдымылык шотышто эн кугу йодмашлан келшен толеш: «ГЛОНАСС» системе, тахограф, лӱдыкшыдымылык ремень, экстренный связь кнопко да писын кудалаш чаракым ыштыше прибор.