📖 Марий Эл гыч тунемше-влак – российысе фестивальыште!

15-16 октябрьыште Санкт-Петербургышто «Голос России: Поэзия. Творчество. Диалог культур» российысе фестиваль эртен. Мемнан республикнам Политехнический лицей-интернатын тунемшыже-влак чаплын ончыктеныт.

Сылнын лудмо конкурсышто:
🥇Мария Ямбарцева сеҥышыш лектын;
🥉Виктория Ложкина кумшо верым налын.

Ӱдыр-влак марий поэтессе Зоя Дудинан возымыжым лудыныт, поэзий мутын чыла келгытшым, уш-акылжым, моторлыкшым сайын ончыктен моштеныт.

📝 Усталык таҥасымаш деч посна Мария ден Виктория шанче-шымлыше секцийыште устан выступатленыт.

📸 Минобрнауки Республики Марий Эл