🔹 Йошкар-Ола гыч фольклор коллективым вуйлатыше «ГОРДОСТЬ НАЦИИ – 2026» всероссийский премийын регион-влак кокласе этапыштыже сеҥен.

Мария Смирнова Йошкар-Олаште «Царев город» самодеятельный ансамбльым вуйлата.

Премийым российысе калык-влакын этнокультурный вияҥмашкышт да икоян улмыштым пеҥгыдемдымашке шке надырым пыштымылан кучыктат. Юл кундем федеральный округын этапше Киров олаште эртен.