🎭🌳 Йошкар-Олаште Российысе театр сообществын аллейже шочын

Кодшо кугарнян, 16 октябрьыште, Тӱвыра да каныме рӱдӧ паркыште Театр пашаеҥ-влакын ушемыштлан 150 ий темме вашеш ты сферыште тыршыше еҥ-шамыч погыненыт.

Артист-влак ден театр пашаеҥ-шамыч 30 утла пушеҥгым шынденыт, нунын коклаште шӧрва (ясень), пызле, каштан, пӱкшерме.

🌰 Пытартышыжым лӱмын урлан шындыме. Паркыште тиде изи янлык-шамыч ынде кок ий илат.

📸 М.Шкетан лӱмеш Марий национальный драме театрын тӱшкаж гыч налме фото.