✍ Октябрь 23-те Тываның күрүне университединиң дыл факультединге…

✍ Октябрь 23-те Тываның күрүне университединиң дыл факультединге филология эртемнериниң доктору, профессор Шулуу Чыргал-оолович Саттың 100 чыл оюнга тураскааткан эртем-практиктиг конференция болуп эрткен. Ооң ажылынга Дээди Хуралдың Өөредилге, культура, эртем болгаш национал политика талазы-биле хораазының даргазы Белекмаа Мунге база киришкен. Тыва парламентиниң Даргазы Кан-оол Давааның даалгазы-биле конференцияның киржикчилеринге байыр чедирип, сөс чугаалаан.
 
– Шулуу Чыргал-оолович эртем-шинчилел ажылдарын кылбышаан, үр чылдарда башкылап ажылдап чораан. Ооң салым-чолу Кызылда күрүнениң педагогика институдунуң дыл факультеди болгаш дыл кафедразы-биле сырый холбашкан. Баштайгы тыва профессор тыва дылының чүгле шинчилекчизи эвес, а камгалакчызы, суртаалчызы база чораан – деп, Белекмаа Мунге демгелеп чугаалааш, конференцияның киржикчилеринге чедиишкиннерни, солун илеткелдерни, боттуг саналдарны күзеп каан.