Әтиләр көнен табигать кочагында истә калырлык итеп үткәрдек! 🍂

Әтиләр көне уңаеннан укучыларыбыз һәм аларның әтиләре белән бергә көзге табигатькә чыктык. Бу көн барыбыз өчен дә чын бәйрәмгә әйләнде!

Барлыгы 8 командага бүленеп, төрле станцияләр буенча кызыклы сынаулар үттек. Безнең программада нәрсәләр генә юк иде:
✅ Беренче ярдәм күрсәтү серләрен өйрәндек;
✅ Төен бәйләү (вязка узлов) буенча осталыгыбызны сынадык;
✅ Учак төрләре белән таныштык;
✅ Үсемлекләр һәм кошлар дөньясын күзәттек;
✅ Бию хәрәкәтләре һәм хәрәкәтле уеннар белән күңел ачтык;
✅ Ату төрендә үз көчебезне сынап карадык;
✅ Ә иң матур мизгелләрнең берсе — көзге букетлар җыю булды.

Әлбәттә, иң кызу һәм дулкынландыргыч өлеш — әтиләр арасындагы волейбол ярышы иде! Көч сынашулар, шатлыклы тавышлар, бердәмлек рухы — барысы да бик тәэсирле булды.

Уеннар тәмамлангач, саф һавада учакта пешкән бәрәңге һәм тәмле коймаклар белән чәй эчүнең тәме бөтенләй икенче төрле икән! ☕️🥔

Бәйрәм бик күңелле, җылы һәм файдалы узды. Бу очрашу барыбызга да онытылмаслык хатирәләр бүләк итте. Киләсе елда да шулай бергәләп очрашырга дип сүз куештык.

Әтиләребезгә — исәнлек-саулык, ә укучыларыбызга уңышлар телибез.