Бүген үзенчәлекле көн – кошларга җимлекләр эләбез!

Җаваплы эш башланыр алдыннан балалар белән кыш көне канатлы дусларга ярдәм итүнең мөһимлеге турында сөйләшү үткәрдек, алар үз чиратында, игътибар белән безне тыңладылар.
Тәрбиячеләр ярдәмендә җим белән тутырылган җимлекләр агач ботакларына матур итеп эленде.
Тиздән җимлекләргә канатлы дусларыбыз очып килерләр, салкын кыш көннәрендә, сыйланып алырлар.
Балалар исә үз чиратында көн саен кошларны күзәтеп торырга, кошларны кайгыртып, җимлекне азык белән тулыландырып торырга вәгъдә бирделәр.