12 нче октябрь көнне Күшәр төп белем мәктәбендә Күңгәр авыл җирлеге…
12 нче октябрь көнне Күшәр төп белем мәктәбендә Күңгәр авыл җирлеге "Ак калфак" бүлекчәсе җитәкчесе, китапханәче тарафыннан Әтнә районы җирле "Ак калфак" иҗтимагый оешмасының җитәкчесе Раилә Муллаян кызы белән "Әдәп, әхлак, үз-үзеңне чиста йөртү" темасына очрашу булып узды. Чарада Раилә Муллаян кызы укучыларны йокыдан торып, төнге йокыга талганчы гигиена кагыйдәләре, физик күнегүләрне кайчан, ничек башкарыласын аңлатты. Икенче тема итеп ул әхлак, әдәп буенча иң беренче сүзне исәнләшүдән башлап җибәрде. Тормыштан алынган кызыклы фактлар белән мисаллар китереп әңгәмәне шул кадәр кызыклы оештырды. Ә өченче тема итеп ул волонтерлык эше буенча, аның буенча интернетта ничек сайтка теркәлеп нинди мөмкинлекләр барлыгын сөйләде. Укучылар үз чиратында сораулар бирделәр, Раилә Муллаян кызы һәм Гөлүсә Ринат кызы укучыларның сорауларына җавап бирделәр.