Бүген безнең бакчабызның уртанчылар төркемендә Халыкара өлкәннәр…
Загружаем изображение…
Загружаем изображение…
Загружаем изображение…
Загружаем изображение…
Бүген безнең бакчабызның уртанчылар төркемендә Халыкара өлкәннәр көненә багышланган "Әбиләр остаханәсе" исемле җылы очрашу кичәсе булып узды. Махсус кунаклар да бар иде: Арча мәдәният йортында эшләүче "Хәзинә" фольклор коллективы "Аулак өй" күренешен тәкъдим иттеләр. Әби-бабайларыбыз рәхәтләнеп яшьлекләренә кайтып килделәр. Аннары яраткан оныклары белән уеннар уйнадылар, җырладылар, биеделәр. Өченче өлештә зур табыннар янында бергәләшеп чәйләр эчтеләр, сөйләшеп утырдылар, балаларның группалары белән таныштылар. Бәйрәм бик күңелле, эчтәлекле, рәхәт булды. Өлкәннәребез сау-сәламәт булып, озын гомер итсеннәр, гел шулай оныклары сөендереп кенә торсыннар.