Бүгүн Саха сирин былааҕын күнүгэр анаан уһуйаан о5олоругар олус…

Бүгүн Саха сирин былааҕын күнүгэр анаан уһуйаан о5олоругар олус интириэһинэй тэрээһин буолан ааста. 1992 сыл алтынньы 14 күнүгэр, Саха Республикатын государственнай былааҕа Үрдүкү Сэбиэт XV сессиятыгар бигэргэтиллибитэ. 

Былаахха күөх халлаан күөнүгэр күөрэйбит үрүҥ күннээхпит.☀️ Ол анныгар – маҥан⚪️, кыһыл🔴, от күөҕэ сурааһыннар ойууламмыттар🟢. Күөх халлааны уонна күнү кытта маҥан сурааһын дьүөрэлэспитэ хоту дойду тыйыс айылҕатын кэрэ көстүүтүн, кинилэр майгылара сиэрдээх олохторо ырааһын көрдөрөр. 🍃🌱От күөх өҥ – Саха Сирин күөх сайына, үүнүү-сайдыы, барҕарыы, доҕордоһуу бэлиэтэ буолар. Кыһыл өҥ – ийэ дойдуга бэриниилээх буолуу, олоххо тардыһыы күүһүн кэрэһитэ.
Былаах — норуот. Былаах — өй дууһата. Былаах — саха инникитэ. Уруй-айхал, сахам дьоно! Үөрүҥ-көтүҥ, саха былааҕын күөрэччи уунуҥ!