"Ийэ тылынан иитиллэбит, саха тылынан сайдабыт"

Төрөөбүт тыл, сурук-бичик күнүгэр аналлаах тэрээһиннэртэн тиһилик .


Төхтүрбүт нэһилиэгэр олунньу ый 9 чыыһылаттан саҕалаан бу күҥҥэ аналлаах тэрээһиннэр, оскуола, уһуйаан, кулууп тэрилтэлэринэн ыытыллынылар. Нэһилиэкпитигэр үгэскэ кубулуйбут эдэр ыччаты сахалыы тыыҥҥа иитэр сыаллаах "Өбүгэ тыына" этно-мастерской иккис төгүлүн тэриллэн ыытыллынна. Манна оҕолор нэһилиэкпит биллэр көстөр дьонугар сылдьан маастар кылаастары ыллылар, ону сэргэ тыа сирин сүрүн дьарыгын билсэ "Хаксык" ТХКП ферматыгар сырыттылар, (сал Осипова Т. А.) . "Иис-уус" кыһатыгар "Көмүс сүүтүк" түмсүүгэ сылдьан (сал . Барамыгина Е. Н) кыбытыктан харысхал тиктилэр, "Төрүччү кыһата" модельнай библиотека сэбиэдиссэйэ Е. М. Герасимова төрүччүнү хайдах оҥорорго үөрэттэ, "Уус кыһата" Платонов П. Е. уһанар мастерскойугар оҕолор тимири уһаарарга, тимир ууһун кистэлэҥнэригэр үөрэннилэр, "Саха аһын" кыһатыгар "Дьүөгэ" түмсүү эбээлэрэ (сал. Сысоева М. М.) өбүгэбит аһылыктарын уратыларын, доруобуйаҕа туох туһаны аҕалалларын уонна астанар ньымалары кэпсээтилэр, "Иис-уус" кыһата норуот маастара Ефимов И. Н мастерскойугар, тирии таҥастары хайдах тигэргэ, этэрбэһи улларыы кистэлэҥнэрин арыйдылар, "Нэһилиэк устуоруйата" кыһаҕа, оҕолор нэһилиэкпит араас сыллардааҕы историятын кытта музейга тиийэн билсистилэр (сал . Захаров Р. А.) сэттэ кыһаҕа сүһүөхтэринэн арахсан үөрэниини аастылар, ордук сэргээбиттэринэн бу күн "Хаксык" ферматыгар саҥа ньирэй күн сирин көрбүтүттэн оҕолуу үөрэн, дьоллонон кэлбиттэрэ буолар. Бу мастарскыайдары күннээҕи түбүктэриттэн быыс булан , ыччаттарбытыгар көрдөрөн -кэпсээн биэрбит тэрилтэ, үлэһиттэригэр, маастардарбытыгар, түмсүүлэрбитигэр барҕа махталбытын тиэрдэбит. Олунньу 13 күнэ улууспут тэрээһиннэриттэн саҕаланна, манна саха тылын инники сайдыытын торумнаан, сугулааннар кэккэ тэрээһиннэр ыытылыннылар "Кэскил" норуот ансаабыла улуустааҕы "Арчы дьиэтэ" ыытар "Устар ууну сомоҕолуур, нэһилиэгим дьоһун дьоно" күрэххэ ансаамбыл бастакы көлүөнэ кыттааччыларын сырдатан 2 үктэл буолан кэллилэр. Күн иккис аҥарыгар нэһилиэкпитигэр бастакытын "Ийэ тылым барҕа баайым" аман өс күрэҕэ ыытылынна. Манна оскуола, уһуйаан уонна "Кэскил" хомус ансаабылын хамаандалара кэлэн иккилии боппуруоска санааларын үллэһиннилэр. Дьүүллүүр сүбэ тургутуутун аастылар . Түмүккэ кыһыл көмүс мэтээл А.Д Широких аатын сүгэр учууталлар хамаандалара, иккис "Кэнчээри" оҕо уһуйаанын сэргэх кыттааччылара уонна үһүс миэстэҕэ "Кэскил" ансаамбыл кыттааччылара буоллулар. Боппуруостар чуолаан сомоҕолоһуу уонна култуура сылларыгар ананнылар.
Аман өс күрэҕин кэнниттэн тута түөлбэлэрбит икки ардыларыгар ыытыллар "Хабылык уонна хаамыска" күрэҕэ ыытылынна, түөлбэ аайыттан үстүү киһилээх хамаанда кэлэн кыттыыны ылла. Олунньу 12 күнүгэр тэрээһин иннинэ СӨ успуордун маастардара Михалев Александр Владимирович уонна Устинов Алексей Алексеевич хабылык уонна хаамыска саҥа көрүҥнэрин сиһилии көрдөрөн, үөрэтэн барбыттара . Түгэнинэн туһанан бу өбүгэбит биир тарбахха баттанар остуол оонньуутун хабылыгы уонна хаамысканы кэлэн үөрэппит уһуйааччыларга барҕа махталбытын тиэрдэбит.
Күрэх түмүгүнэн элбэх очколаах "Сайдыы" түөлбэ (сал. Афанасьева Д. А.), иккис "Үрдэл" түөлбэ (сал. Сидорова Е. Д), үһүс миэстэҕэ "Айтал" түөлбэ буолан кыайыы өрөгөйүн биллилэр. Төрөөбүт төрүт тылбыт инники сайдыыта тус бэйэбититтэн тутулуктааҕын умнумуоҕуҥ, Сахабыт тыла үгүс үйэлэри уҥуордаан салгыы сайда турдун!

Балаһаны бэлэмнээтэ: "Эркээни" КСК уус-уран салайааччыта Д. Захарова-Дайыына