🔶Социалистическай үлэ геройа Константинов Роман Иннокентьевич Боотурускай улууһун бастакы Болугур нэһилиэгэр дьадаҥы бааһынай дьиэ кэргэҥҥэ 1896 сыллаахха алтынньы 14 күнүгэр күн сирин көрбүтэ.

🔹Роман Иннокентьевич олоҕун аргыһа Дария Абрамовналыын 63 сыл устата дьоллоохтук олорбуттара. Кинилэр 1925 сыллаахха кыыс оҕоломмуттара, онтон сэрии сылларыгар уонна ол кэннэ тулаайах хаалбыт биэс оҕону иитэн-үөрэтэн атахтарыгар туруорбуттара.

   🔶1947 сыллаахха кини 55 биэттэн 55 кулуну ылбыта уонна барытын иитэн таһаарбыта! Роман Иннокентьевич Константиновка Саха сиригэр аан бастакынан сылгы иитиитигэр өр сыллаах ситиһиилээх үлэтин иһин ССРС үрдүкү сэбиэтин Президиумун 1948 сыл атырдьах ыйын 5 күнүнээҕи Ыйааҕынан Социалистическай үлэ геройун аата иҥэриллибитэ. Ити курдук, тыа хаһаайыстыбатын салаатын чулуу үлэһитин аата историяҕа көмүс бэлиэнэн тиһиллибитэ.
🔹🔶🔹🔶🔹🔶🔹🔶🔹🔶🔹СЫЛГЫҺЫТТАН БАСТЫҤ ДЬОН 
БАСТААН ГЕРОЙ БУОЛЛУЛАР
ҮЛЭ ХАЙҔАЛ, ҮЛЭ ДЬОЛ
ҮКСЭЭТИННЭР ГЕРОЙДАР.

   🔶Сырдыгы-билиини саҕар кыһабыт. Улууспут биир кырдьаҕас оскуолаларыттан биирдэстэрэ 2003 сыллаахтан оскуолабыт Роман Иннокентьевич Константинов аатын сүгэр.
🔹🔶🔹🔶🔹🔶🔹🔶🔹
Кэрэ киһини кэриэстиир,
Үтүө киһини үйэтитэр,
Бастыҥ киһини барҕардар,
Дьоһун киһини дьоҥҥо тиэрдэр
Бэлиэ күҥҥэ
Итии тыллаах эҕэрдэбин 
Анаан ааттаан этэбин!

Роман Иннокентьевич биһиэхэ анаан эппит:
«ЭРЭТТЭР, КЫТААТЫН. ТҮМСЭН СҮБЭҔИТИН ХОЛБООН, КЭСКИЛЛЭЭХТИК ҮЛЭЛЭЭН!”
диэн-кэриэс тылларын суолдьут сулус оҥостон,
ҮӨРЭНЭБИТ, САЙДАБЫТ!

🔷Дьоруой сылгыһыт Роман Иннокентьевич Константинов аатын сүгэн, өр кэмҥэ ыччаты үөрэххэ-билиилээх, олоххо уһуйар, төрөөбүт дойдутун таптыыр дьон гына иитэн таһаарда. Кини үтүө аата оскуолабыт саҥа ситиһиилэргэ сирдиир чыпчаал сулус буоллун!